12 SEPTANM 2022
LARISI

Aleksandr Shutov kontinye konte sou Jewova pou gide l

FÈ L JWE

Tribinal distri Lazo nan tèritwa Kabawòvsk gen pou fè konnen desizyon l pran nan ka ki konsène frè Aleksandr Shutov. Komisè a poko fè konnen ki santans li ta renmen yo bay.

Dat ak evènman ki te pase

26 jiyè 2021

Yo te ouvri ankèt kriminèl kont li.
30 jiyè 2021

Yo fouye kay frè Aleksandr. Yo arete l, yo poze l yon pakèt kesyon e yo lage l, men yo entèdi l vwayaje.
3 out 2021

Yo mete l sou lis moun ekstremis peyi Larisi.
28 avril 2022

Pwosè a kòmanse.

Enfòmasyon pèsonèl

Aleksandr Shutov

Dat ak kote li fèt: 1952 (Pyonèski, rejyon Ikoutsk)

Byografi: Li te kòmanse travay a 15 an yon kote yo pran swen bèt e yo travay tè. Kounye a, li pran retrèt li.

Li te marye ak Rosa an 1973. Yo gen 4 pitit, 11 pitit pitit ak 3 pitit pitit pitit.

Manman l te etidye ak Temwen Jewova yo ki te ann egzil nan Siberi. Li te batize an 1975. Yo te kondane l pou ennan prizon an 1976 paske l pa t aksepte fè sèvis militè.

Kòmantè li fè

Ki youn nan bagay ou te aprann premye fwa yo te mete w nan prizon an 1976 la?

Mwen sonje yon eksperyans mwen te fè lè sa a. Pandan yo t ap mennen m nan prizon an, gen youn nan ofisye KGB yo ki te di: “Vwayaj la ap long, sa pap deranje w si n fè ti pale?” Apre m te fin reponn tout kesyon l yo, li te di: “Lè m ap gade w, ou parèt tèlman kalm. Se kòmsi se lakay ou m ap mennen w, se pa nan prizon.” Sa fè m wè, lè nou konte sou Jewova ak lafwa e lè n mande l èd li, n ap kapab rete kalm. Se kòmsi sa k t ap rive m yo se pa t anyen. Nan sitiyasyon m ye kounye a, mwen dwe kontinye konte sou Jewova epi mande l pou l gide m.

Pandan pèsekisyon yo ap vin pi rèd, nou swete pou nou tout travay pou lafwa nou vin pi djanm depi kounye a e pou n pran detèminasyon pou n gen “konfyans nan lanmou fidèl Bondye genyen an pou tout tan gen tan”. — Sòm 52:8.

Lòt sijè ki enteresan

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL