23 DESANM 2021
LARISI

Dispozisyon Jewova pran yo ede fanmi Postnikov santi yo anpè

FÈ L JWE

Dat ak evènman ki te pase

Tribinal rejyon otonòm Juif nan distri Biwobidjan gen pou fè konnen desizyon li pran nan ka ki konsène frè Oleg Postnikov ak sè Agnessa Postnikova. Komisè a poko fè konnen santans li ta renmen yo ba yo.
12 fevriye 2021

Sèvis sekirite federal Larisi (FSB) te ouvri ankèt kriminèl kont Agnessa. Yo akize fanmi Postnikov kòmkwa yo fòme yon gwoup kriminèl e y ap pale ak lòt moun konsènan objektif ekstremis yo genyen. Yo te bay ni Oleg ni Agnessa lòd pou yo pa kite zòn nan, yo te bloke kont yo gen labank e yo te ajoute non yo sou lis teworis peyi Larisi genyen.
12 fevriye 2020

Sèvis sekirite federal Larisi (FSB) te ouvri yon ankèt kriminèl kont Oleg.

Enfòmasyon pèsonèl

Oleg Postnikov

Dat ak kote li fèt: 1965 (Vyazemski, tèritwa Kabawòvsk).

Byografi: Li te travay kòm plonbye. Lè l te adolesan, li te fè pati yon gang. Yo te mete l nan prizon pou aktivite kriminèl. Se pandan l nan prizon li te kòmanse aprann plis sou Bib la. Apre yo te fin lage l, li te batize kòm Temwen Jewova an 1986.

An 1989, li te marye ak Agnessa. Yo gen de pitit ki fin gran.

Kòmantè li fè

Ki jan w te aprann laverite nan prizon an?

Te gen yon Temwen Jewova yo te mete nan prizon paske li pa t vle al nan lame. […] Nou te fè anpil tan ap pale konsènan prèv ki montre Bondye egziste ak fay ki gen nan teyori evolisyon an. Epitou, nou te pale sou jan linivè konplèks ak jan li byen fèt. Konvèsasyon nou te genyen an te chanje fason m wè bagay yo nèt. […] Annapre, mwen te li anpil piblikasyon Temwen Jewova yo. [...] Apre yo te fin lage m, mwen te kontinye etidye Bib la e mwen te batize.

Ki sa w te aprann konsènan met konfyans ou nan Jewova?

Mwen te kòmanse priye plis, sitou lè m t apral rankontre ak anketè a. Rankont mwen ak anketè a te montre aklè mwen pa t dwe jis konte sou kapasite pèsonèl mwen oswa bon konprann mwen pou m pa t pran nan mannèv anba anba anketè a t ap fè pou l eseye fè m renye lafwa m. Mwen te rann mwen kont si m vle santi m kalm, mwen te bezwen met tout konfyans mwen nan Jewova e pa enkyete m twòp sou sa ki ka rive.

Èske gen yon vèsè ou twouve ki te ankouraje w?

Byen souvan, mwen sonje yon fraz enpòtan ki nan Jozye 1:9: “Mwen menm, Jewova, Bondye w la, mwen avè w kèlkeswa kote w ale.” Sa te fè m sonje, mwen ka ale yon kote mwen pa t ap renmen ale. Men, Jewova ban m asirans lè l di: ‘M ap lòtbò a avèk ou, pa enkyete w. Menm jan mwen te ale ak Jozèf, m prale avè w tou.’ Pwomès sa a ede m pou m pa enkyete m sou sa demen ka pote. Epitou, sa ede m pou m pa kite dekourajman pote m ale.

Agnessa Postnikova

Dat ak kote li fèt: 1963 (Kazakstan).

Byografi: Paran l gen sèt pitit, li se senkyèm nan. Lè l te jèn, li te renmen dans ak teyat. Epitou, li te renmen fè ski ak patinaj sou glas. Jodi a, li renmen pase tan nan zòn andeyò pou l pran swen flè e pou l mache nan mòn. Li te travay nan yon chòp tayè.

Li te batize an 1979. Li te marye ak Oleg an 1989.

Kòmantè li fè

Sa k te ede w kenbe nan moman difisil sa a?

Mwen vle di Kolèj santral la mèsi paske li prepare manje espirityèl nan bon moman. Epitou, mwen vle remèsye tout frè ak sè ki te patisipe nan prepare chante, fim, videyo, kongrè ak nouvo tradiksyon Labib la. Mwen di Jewova mèsi pou bèl fanmi frè ak sè ki gen lanmou li ban mwen pou ban m fòs nan moman difisil sa a.

Nan tout sa Jewova ban nou yo, ki sa ki te sitou ede w?

Sa ki ede m se lè m priye Jewova e lè m medite sou chante yo, tankou chante ki gen tit: ‘Monn nouvo n ap tann nan’ ak ‘Li toupre pou li rive’. Chante sa yo pale sou monn nouvo a. Sa ede m santi m kalm, epi gen asirans Papa m renmen m.

Eksperyans sa yo bay plis prèv Jewova prepare pèp li a pou rive andire divès kalite eprèv. Se pou nou tout kontinye konte sou “lanmou […] ak fidelite” Jewova. — Sòm 115:1.

Lòt sijè ki enteresan

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL