3 FEVRIYE 2022
LARISI

Frè Aleksey Smelov jwenn èd nan men Jewova pou l andire

FÈ L JWE

Tribinal Repiblik Karelya nan vil Kondopoga gen pou fè konnen desizyon li pran nan ka ki konsène frè Aleksey Smelov. Komisè a mande pou l peye 500 000 woub (anviwon 6 410 dola ameriken) kòm amann.

Dat ak evènman ki te pase

23 jiyè 2019

Otorite yo te ouvri yon ankèt kriminèl kont Aleksey paske yo fè konprann li se youn nan chèf òganizasyon relijye yo entèdi a, e li patisipe nan òganize reyinyon ak pataje yon seri swadizan pwopagann.
31 jiyè 2019

Ajan FSB yo te rantre ak fòs nan 15 kay ak kote Temwen Jewova yo travay nan Kondopoga ak nan Petwozavòdsk. Polisye yo te pran pòz se plonbye yo ye pou yo rantre nan kay fanmi Smelov pou yo fè fouy. Yo te ale ak Aleksey ak Irina, madanm li, nan lokal FSB a pou yo poze yo kesyon. Annapre, yo te ale ak Aleksey nan biwo santral FSB a ki nan Petwozavòdsk. Ozanviwon 11:30 p.m., yo te lage l e yo te ba l lòd pou l pa kite zòn lakay li.
7 out 2019

Otorite yo lage akizasyon kriminèl sou do Aleksey paske li vyole 1^ye pati atik 282.2 Kòd kriminèl Federasyon Larisi a.
9 avril 2020

Yo te kanpe ankèt la akoz pandemi COVID-19 la.
8 jen 2020

Yo rederape ankèt la.

Enfòmason pèsonèl

Aleksey Smelov

Dat ak kote li fèt: 1974 (Kondopoga).

Byografi: Lè l te jèn, li te fò nan naje ak nan jwe òki. Li te travay kòm mekanisyen nan yon izin ki transfòme bwa pou fè l tounen papye. Pandan dènye ane sa yo, li te travay kòm enjenyè mekanik. Li te rankontre Irina an 1993. Yo te marye dezan annapre. Yo gen twa pitit, e gen de ki toujou ap viv nan kay la.

Lè l te jèn, li t ap mande tèt li ki sa k rive lè yon moun mouri. Li te etidye Labib ak Temwen Jewova yo e li te aprann esperans rezirèksyon Bib la pale de li a. Etid Labib li fè a te pouse l fè chanjman nan lavi l pou l ka viv ann amoni ak prensip ki nan Bib la. Li te batize an 2004.

Kòmantè li fè

Ki jan w te wè Jewova ede w nan moman difisil sa a?

Pandan eprèv sa yo, sa m wè sèke relasyon m ak Jewova te vin pi solid paske mwen te wè èd li ban mwen pou m fè fas ak yon seri pwoblèm. Pa egzanp, pandan fouy la, yo te sezi aparèy elektwonik nou yo. Sa te ka fè nou pa jwenn manje espirityèl nou bezwen ak mwayen pou n asiste reyinyon kongregasyon an. Nou te priye Jewova pou l ede nou. Frè ak sè nou yo pa t pran tan pou ede nou. Kèk jou sèlman annapre, nou te gen telefòn ak tablèt. Konsa, nou te ka fè tèks pou jounen an sou yo epi li Bib la. Se sèten, se Jewova menm ki te ede nou.

Ki sijesyon ou t ap bay lòt moun k ap prepare yo pou pèsekisyon yo ka jwenn alavni?

Pa pè anyen e pa pè pèsonn! Papa nou an gen kontwòl tout bagay (2 Kwonik 16:9a). Sonje se yon gwo privilèj nou genyen pou n patisipe nan fè non Jewova vin sen e pou nou pran pozisyon pou souvrènte l!

Menm jan ak Aleksey, nou gen konfyans Jewova ap kontinye “itilize fòs li an favè” tout moun y ap pèsekite yo. — 2 Kwonik 16:9.

Lòt sijè ki enteresan

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL