Nan dat 19 janvye 2021 an, tribinal rejyonal Kemerovo a rejte apèl frè Sergey Britvin ak frè Vadim Levchuk te fè a. Santans katran prizon yo te ba yo a ap aplikab kounye a. Yo deja pase plis pase twazan nan detansyon prevantif ak nan prizon lakay yo. Sa vin fè, yo ka lage yo nan ennan anviwon. Toule de detèmine pou yo rete fèm e pou yo byen pwofite sitiyasyon an.

Nan fen premye jijman an, frè yo te pale ak kran konsènan lafwa yo nan Jewova ak byenfè yo jwenn dèske y ap sèvi l.

Frè Sergey te di: “Ki sa komisè gouvènman an vle m fè? Li vle m sispann sèvi Bondye? Se paske m ap sèvi Jewova ki fè m vin yon pi bon moun e yon pi bon sitwayen peyi Larisi. Mwen gen Bondye rekonesans paske l te ede m pou maryaj mwen pa kraze e pou m gen yon pi bon vi. Grasa Jewova, lavi m gen yon sans toutbon e m gen espwa m ap gen yon bèl avni. Relasyon m ak Bondye, Jewova, se sa m genyen ki pi enpòtan. M ap kontinye bay relasyon sa a anpil valè, kèlkeswa fo akizasyon yo ta lage sou do m.”

Frè Vadim li menm te di: “Pandan tout jijman sa a, mwen te santi m kalm yon fason ki estrawòdinè paske Jewova te bò kote m e se nan kan Jewova mwen ye! Kèlkeswa desizyon an, se sa Bondye panse ki pi enpòtan pou mwen. Kèlkeswa kote m ye m ap toujou fè efò pou m demontre kalite ki fè Bondye plezi tankou lanmou, lajwa, lapè, bonte, lafwa, dousè ak metriz.”