1. Nan dat ki te 7 oktòb 2021 an, tribinal tèritwa Krasnoda te rejte apèl frè Meleshko te fè a. Yo kenbe premye desizyon yo te pran an.

2. 11 out 2021

   Tribinal tèritwa Krasnoda nan distri Abinski fè konnen frè Vasiliy Meleshko koupab e yo kondane l pou l pase twazan nan prizon. Pwosè a te dire de jou. Tousuit apre pwosè a, yo te mennen l nan prizon. Li se katriyèm Temwen Jewova tribinal sa a jije byen vit epi fè konnen l koupab a.

3. 10 out 2021

   Yo te ouvri ankèt kriminèl kont Vasiliy. Lè jij la te poze Vasiliy kesyon, avèk kouraj li te di li se Temwen Jewova.

4. 24 jen 2021

   Yo te ajoute konvèsasyon ki te fèt anvan ant frè Vasiliy ak frè Aleksandr Ivshin sou lis aktivite kriminèl frè Vasiliy. Komisè a te di konvèsasyon frè yo te genyen an se te sou sijè relijye ki gen rapò ak “sèvis Jewova Dye”.

5. 12 avril 2021

   Ofisyèlman, yo te fè konnen pami aktivite Vasiliy fè ki se krim yo, genyen “bay oswa tande diskou ki baze sou piblikasyon relijye” ak “patisipe nan konvèsasyon an gwoup ki fèt sou liv relijye”.

6. 7 avril 2021

   A 6:30 a.m., twa ofisye sekirite lame a, kat anketè ak twa polisye te rantre ak fòs lakay Vasiliy ak Zoya Meleshko. Annapre yo te ale ak Vasiliy nan kad ankèt y ap mennen. Anketè yo te fè foto l devan lakay li ak devan kay kote frè yo te reyini anvan sa pou yo adore Bondye. Anketè yo te sèvi ak foto sa yo kòm prèv ki swadizan montre sa Vasiliy te fè a se te yon krim. Yo te ba l lòd pou l pa kite zòn nan.

Byenke jijman byen vit sa a ak lefètke yo kontinye ap pèsekite frè ak sè nou yo nan peyi Larisi se “move nouvèl”, nou gen konfyans Vasiliy ak fanmi l ap rete fèm san yo pa brannen toutpandan yo “met konfyans [yo] nan Jewova”. — Sòm 112:7, 8.