21 FEVRIYE 2022
LARISI
Frè yo fòtifye lafwa yo grasa èd kwayan parèy yo ba yo
Tribinal repiblik Kareli nan vil Petwozavòdsk gen pou fè konnen desizyon li pran nan ka ki konsène frè Maksim Amosov, frè Mikhail Gordeev, frè Nikolay Leshchenko ak frè Dmitriy Ravnushkin. Komisè a poko fè konnen ki santans li ta renmen yo ba yo.
Dat ak evènman ki te pase
31 mas 2019
Ajan FSB yo te fouye kay 16 Temwen Jewova e yo te fouye kote y ap travay.
2 out 2019
Anketè a bay frè Maksim lòd pou l pa kite peyi a. Otorite yo te ouvri yon ankèt kriminèl kont Nikolay epi ba l lòd pou l pa kite zòn nan.
6 out 2019
Anketè a te fè konnen Maksim ak Nikolay swadizan fè krim lefètke yo etidye Bib la.
5 septanm 2019
Ajan FSB yo te arete Mikhail kote li t ap travay la epi yo te pran òdinatè l. Anketè a te ouvri yon ankèt kriminèl kont Mikhail.
20 septanm 2019
Ajan FSB yo te fouye kote Dmitriy t ap travay e yo te sezi telefòn li. Anketè a te fè katrèdtan ap poze Dmitriy kesyon, li te ouvri yon ankèt kriminèl kont li epi ba l lòd pou l pa kite zòn nan.
18 oktòb 2021
Pwosè a te kòmanse.
Enfòmasyon pèsonèl
Nou ranpli ak lajwa paske frè nou yo nan Larisi kontinye ap mache nan laverite malgre yo jwenn pèsekisyon. — 3 Jan 4.
Lòt sijè ki enteresan
NOUVÈL
Yo nan prizon pou lafwa yo — Larisi
Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.