13 FEVRIYE 2023
LARISI
Gen twa fanmi nan Yawoslavl k ap sibi pèsekisyon
Nan dat 30 oktòb 2023 a, tribinal distri Djezinski nan Yawoslavl aksepte yon pati nan apèl frè Pyotr Filiznov ak frè Andrey Vyushin te fè. Yo redui santans prizon yo t ap ba yo si yo ta arete yo ankò pou menm bagay yo. Olye sizan edmi prizon, kounye a se dezan edmi. Santans frè Aleksandr Kuznetsov ak Mariya, madanm li, pa chanje.
Nan dat 3 out 2023 a, tribinal distri Djezinski nan Yawoslavl kondane frè Pyotr Filiznov, frè Andrey Vyushin, frè Aleksandr Kuznetsov ak sè Mariya Kuznetsova, madanm li. Yo bay yo chak la yon santans kote y ap mete yo nan prizon si yo arete yo pou menm bagay yo. Frè Andrey ak frè Pyotr te jwenn santans sizan edmi prizon. Frè Aleksandr ak sè Mariya te jwenn santans dezan edmi prizon. Yo pa gen pou al nan prizon pou kounye a.
Enfòmasyon pèsonèl
Nou gen konviksyon, menm jan ak kat Temwen Jewova fidèl sa yo, nou kapab pami moun ‘ki mete konfyans yo nan Jewova e ki pa ka brannen’. — Sòm 125:1.
Dat ak evènman ki te pase
3 avril 2021
Yo mete yo nan detansyon pwovizwa apre otorite yo te fin fouye kay yo.
15 avril 2021
Yo voye yo nan prizon annatandan yo jije yo.
14 jiyè 2021
Yo lage yo men yo pa ka vwayaje al kote yo vle.
9 septanm 2022
Pwosè a kòmanse.
Lòt sijè ki enteresan
NOUVÈL
Yo nan prizon pou lafwa yo — Larisi
Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.