26 AVRIL 2023
LARISI

“Jewova kenbe nou ak de men”

FÈ L JWE

Tribinal distri santral Prokopyèvsk gen pou fè konnen desizyon li pran nan ka ki konsène frè Yuriy Chernykh. Komisè a poko fè konnen ki santans li ta renmen yo ba li.

Enfòmasyon pèsonèl

Yuriy Chernykh

Dat ak kote li fèt: 1975 (Kimòvsk, Rejyon Toula)

Byografi: Li te travay nan min chabon pandan plis pase 20 an.

Li te marye ak Yelena an 2006. Yo gen twa pitit gason.

Lè li te aprann jan pwofesi ki nan Bib la egzak, sa te gen gwo efè sou li. Li te batize antanke Temwen Jewova an 2007.

Kòmantè li fè

Èske gen yon vèsè nan Bib la ki te vin gen yon siyifikasyon espesyal pou ou pandan peryòd sa a?

Ezayi 30:15 te toujou ede m depi lè pèsekisyon an te kòmanse. Nan vèsè sa a, Jewova di: “Si nou ret dousman e nou montre nou gen konfyans, se sa k ap fòs nou.” Lè yo t al avèk mwen menm ak madanm mwen pou yo poze nou kesyon, mwen te priye pou fanmi m. Nan moman sa a, mwen te santi gen yon lapè ak yon kalm ki anvayi m, menm jan vag anvayi arebò yon lanmè. Nan tout eprèv yo, mwen menm ak fanmi m te wè jan Jewova kenbe nou ak de men pou l ede nou e pou l ban nou fòs.

Ki kalite ou t ap di sitiyasyon difisil sa yo ede w devlope?

Sa pa t fasil menm pou mwen pou m demontre pasyans, men sitiyasyon sa yo ede m vin gen plis pasyans. Mwen te aprann Jewova reponn priyè m yo nan lè li konnen ki bon an.

Nou gen konfyans Jewova ap kontinye bay tout sèvitè fidèl li yo ‘lapè tankou dlo nan yon rivyè’, toutpandan y ap fè efò pou yo ret fidèl avèk li. — Ezayi 48:18.

Dat ak evènman ki te pase

12 jiyè 2020

Yo fouye kay Yuriy ak Yelena. Yo poze toule de kesyon.
5 novanm 2021

Yo ouvri yon ankèt kriminèl.
10 novanm 2021

Yo fouye kay yo yon dezyèm fwa.
26 avril 2022

Yo entèdi Yuriy vwayaje.
18 jiyè 2022

Pwosè a kòmanse.

Gade tou

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL