18 OUT 2022
LARISI

Lafwa nan Jewova fè yo pa pè pèsekisyon

FÈ L JWE

Tribinal distri Novosibisk nan rejyon Novosibisk gen pou fè konnen desizyon li pran nan ka ki konsène frè Valeriy Maletskov ak sè Marina Chaplykina. Komisè a poko fè konnen ki santans li ta renmen yo ba yo.

Dat ak evènman ki te pase

2018

Yon mesye ki t ap etidye Labib epi asiste reyinyon Temwen Jewova yo anvan entèdiksyon an te kòmanse kowopere ak ajan FSB yo nan Novosibisk. Li te rasanble enfòmasyon sou moun ki t ap asiste reyinyon sa yo.
19 avril 2019

Sou baz enfòmasyon mesye sa a te bay yo, yo te fouye sis kay Temwen Jewova nan Novosibisk. Yo te ouvri yon ankèt kriminèl kont Valeriy Maletskov ak Marina Chaplykina. Yo te arete toule de epi mete yon nan detansyon pwovizwa.
21 avril 2019

Yo te lage yo toule de. Yo te kite Valeriy al lakay li, men yo te entèdi l kite kay li pou l al kote l vle. Yo te entèdi Marina Chaplykina vwayaje pou l al kote l vle.
21 fevriye 2022

Otorite yo te akize Valeriy kòm moun k ap òganize aktivite ekstremis. Yo te akize Marina Chaplykina kòm moun k ap bay kòb pou soutni yon òganizasyon ekstremis e k ap patisipe nan aktivite òganizasyon sa a.
30 mas 2022

Pwosè a kòmanse.

Enfòmasyon pèsonèl

Marina Chaplykina

Dat ak kote li fèt: 1971 (Novosibisk)

Byografi: Li travay kòm estetisyèn. Li te leve pitit fi l poukont li.

Temwen Jewova yo te vin lakay li, li te kòmanse etidye Labib avèk yo apre l te fin wè non Bondye nan Bib la. Li te batize an 2004.

Kòmantè li fè

Ki byenfè w jwenn lefètke w suiv direksyon òganizasyon Jewova a bay?

Lè sitiyasyon an te kòmanse chanje nan peyi a, mwen te vin konprann jan l enpòtan pou m byen suiv enstriksyon frè yo bay e pou m fè sa san pèdi tan. Lè yo te kòmanse arete frè ak sè ki nan peyi a epi fouye kay yo, mwen te byen gade sa k t ap pase yo, sa otorite yo te sezi ak fason frè ak sè nou yo te reyaji. Sa te ede m prepare tèt mwen e prepare kay la pou sa k t apral rive annapre yo.

Ki jan lapriyè ba w fòs?

Lè yo te arete m, premye sa k te vin nan lespri m se egzanp Neyemi. Menm jan avèk li, mwen te fè yon priyè tou kout, e mwen te mande Jewova pou l fè m santi m anpè. Mwen te kalm anpil lè otorite yo te mennen m lakay la pou yo fouye l. Mwen te ka wè se jis travay yo yo t ap fè. Nataliya, pitit fi m nan, te rantre yon ti tan apre. Polisye yo te remake li pa t sezi lè l te wè y ap fouye kay la. Gen youn ladan yo ki te mande l rezon ki fè l pa pè. Gen yon lòt polisye ki di l: “Yo te konnen n ap vini.” Menm kote a m di tèt mwen: ‘Sa se repons priyè m. Menm lòt moun ka wè jan nou kalm.’

Valeriy Maletskov

Dat ak kote li fèt: 1974 (Novosibisk)

Byografi: Li te travay kòm bòs chapant e kòm jadinye.

Li te sezi wè jan Temwen Jewova yo ka sèvi ak Bib la pou yo esplike kwayans yo. Li te batize an 1994.

Li te marye ak Marina an 2004. Yo gen yon pitit gason.

Kòmantè li fè

Ki sa ou menm ak fanmi w fè pou nou pa pè pèsekisyon?

Lè n te kòmanse wè rapò yo bay sou frè ak sè yo arete e yo mete nan prizon, nou te eseye imajine tèt nou nan plas yo. Nou t ap mande tèt nou ki jan yo santi yo, sa k ap pase nan tèt yo. Ni nan priyè m te fè lè m poukont mwen ni nan priyè m te fè lè m ak fanmi m, byen souvan, mwen te mande Jewova pou l ede nou pa pè pèsekisyon. Nou te wè anpil egzanp ki montre fason pèsekisyon bay frè ak sè nou yo okazyon pou yo bay yon temwayaj nan nouvo sitiyasyon yo ye a.

Nan ka pa m, pèsekisyon fè m vin pi pwòch ak Jewova e mwen kòmanse wè moun k ap pèsekite m yo jan Jewova wè yo. Menmsi yo parèt tchak, se jis moun ki bezwen tande verite a. E egzanp mwen ka ede yo aprann konnen Jewova.

Lefètke frè ak sè nou yo kontinye andire malgre yo jwenn pèsekisyon, sa montre aklè Jewova beni yo e li pwoteje yo. — 1 Jan 5:4.

Lòt sijè ki enteresan

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL