Nan dat 23 oktòb 2020 an, tribinal distri Oktyabrsky nan rejyon Kirov kondane frè Anatoliy Tokarev pou l peye yon amann 500 000 woub (6 552 dola ameriken). Li gen dis jou pou l fè apèl desizyon an.

Avèk kran, men sa frè Tokarev te di nan dènye pawòl li te adrese tribinal la: “Pandan jijman sa a, gen nan otorite yo ki te di m: ‘Se swa w sispann kwè nan Bondye swa [...] yo pini w byen di an piblik.’ Majistra, mwen te di sa premye jou jijman an e m ap di l ankò kounye a, mwen pa ka sispann kwè nan Bondye [...]. Se vre, lè m konnen mwen ka pran prizon oswa mwen ka mouri, sa fè m pè, e sa fè tout Temwen Jewova pè, epi etikèt ekstremis ki sou do m nan sal repitasyon m. Men majistra, mwen pap vire do bay Bondye, sa ki t ap fè m pèdi lanmou l.”