Tribinal distri Oktyabrsky nan rejyon Kirov pwograme pou yo fè konnen desizyon yo pran nan ka frè Anatoliy Tokarev nan dat 23 oktòb 2020 an *. Yo kapab kondane l pou twazan edmi prizon.

Anatoliy Tokarev

• Dat li fèt: 1958 (Baranovskaya, rejyon Kirov).

• Byografi: Se manman l ki leve l. Li te travay kòm yon enjenyè lojisyèl enfòmatik, kounye a li pran retrèt li. Li renmen fè foto, jwe echèk ak akòdeyon. Li te marye ak Margarita an 1979. Yo gen de pitit.

• Apre l te fin etidye syans, li te vin ate. Li te kòmanse etidye Labib ak Temwen Jewova yo lè l te gen 27 an e l te vin wè ansèyman Bib la pa depaman ak lasyans.

Nan dat 24 me 2019, gen ofisye ki fè pati Sant pou konbat ekstremis nan peyi Larisi ki te fouye kay Tokarev yo. Ofisye yo te kòmanse fè presyon sou frè Tokarev. Yo te menase l, yo te fè l konnen y ap lage gwo akizasyon sou tout fanmi l si l pa admèt l ap patisipe nan aktivite “ekstremis”. Yo te mennen frè Tokarev nan depatman envestigasyon pou yo ka poze l kesyon.

Prèske senk mwa annapre, yo te akize frè Tokarev kòmkwa li se yon kriminèl sou baz de atik nan kòd kriminèl federasyon Larisi a. Yo akize l kòmkwa l ap finanse yon òganizasyon ekstremis. Biwo komisè gouvènman an sèvi tou ak yon seri anrejistreman odyo yo te fè an kachèt sou sa k ap pase nan kay Tokarev yo pou yo pwouve kòmkwa frè Tokarev ap òganize reyinyon kote l sèvi ak piblikasyon “ekstremis”, yon seri piblikasyon yo entèdi.

N ap priye pou frè Tokarev ak fanmi l. Nou gen konfyans Jewova ap kontinye montre li “fidèl” avèk yo. — Sòm 18:25.