Nan dat 26 oktòb 2020 an, tribinal distri Lgov la, yon lòt fwa ankò, refize lage frè Dennis Christensen anvan lè, alòske frè Christensen gentan pase plis pase twazan nan prizon. Li gen dis jou pou l fè apèl desizyon sa a. Santans frè Christensen nan ap fini an me 2022. Yo pran an konsiderasyon tou tan l te pase nan detansyon prevantif la. Men, mwa pase a, gen yon komite nan prizon an ki di li pa respekte prensip ki gen nan prizon an. Sa ki fè kounye a, yo ka pa konsidere kantite tan li te fè nan detansyon prevantif la e l ka rete nan prizon apre me 2022.

Frè Christensen ak madanm li, Irina, andire anpil eprèv nan domèn fizik, moral ak afektif depi lè yo te arete frè a 25 me 2017. Poutan, yo toude rive kenbe jwa yo e yo byen detèmine pou yo andire eprèv sa a k ap teste lafwa yo e youn nan bagay ki ede yo se paske frè ak sè sou tout tè a ap priye pou yo.