16 DESANM 2022
LARISI

Li kontan malge difikilte yo

FÈ L JWE

Tribinal santral distri Sochi a gen pou l fè konnen desizyon li pran nan ka ki konsènen frè Danil Suvorov. Komisè a poko fè konnen ki santans li ta renmen yo ba li.

Enfòmasyon pèsonèl

Danil Suvorov a

Dat ak kote li fèt: 1995 (Almetyèvsk, Repiblik Tatastan)

Byografi: Li te travay kòm moun ki vann nan yon magazen materyo konstriksyon.

Se manman l ki te leve l e ki te aprann li laverite. Li te batize an 2011.

Kòmantè sè Gulnara Suvorova, manman Danil, fè b

Ki sa ki ede Danil andire pandan li nan prizon an?

Byenke m pa gen posiblite pou m al wè l, mwen jwenn lèt li yo. Danil toujou di m pou m pa enkyete m pou li, e li pa plenyen. Okontrè, li asire m li santi èd ak sipò Jewova. Danil vrèman abòdab e tout moun konnen l kòm yon moun ki konn koute lòt moun. Li konn montre l konprann lòt moun lè yo jwenn difikilte. Li te fè m konnen li fè chanm prizon kote li ye a tounen tèritwa pèsonèl li, e sa te ankouraje m. Li toujou gen nouvo moun pou l pale paske yo toujou ap retire epi mete lòt prizonye nan chanm kote li ye a. Li li Bib la tou, li prepare reyinyon yo, e li kontinye bay aktivite espirityèl yo priyorite.

Ki sa w aprann sou Jewova nan moman difisil sa a?

Byenke Jewova wè anpil mechanste k ap fèt sou tè a, li pa pèdi kè kontan li genyen. Men sa nou li nan 2 Kwonik 16:9: “Paske, je Jewova ap pwonmennen sou tout tè a, l ap chèche moun k ap sèvi l ak tout kè yo pou l ka itilize fòs li an favè yo.” Donk, Jewova toujou ap chèche yon fason pou l ede sèvitè l yo. M konnen si m rete okipe ak bagay espirityèl yo e m rete konsantre sou ede lòt moun nan kongregasyon an ak nan travay predikasyon an, sa ap ede m pou m pa dekouraje.

Sa ankouraje n lè n konnen si n rete aktif nan aktivite espirityèl yo e si n rete pwòch Jewova, nou ka kontinye gen kè kontan kèlkeswa difikilte nou jwenn. — Sòm 16:11.

Dat ak evènman ki te pase

13 out 2021

Yo ouvri yon ankèt kriminèl kont frè Suvorov paske gen yon moun k ap travay ak otorite yo, e ki te fè kòmsi li enterese nan Bib la, ki t al bay enfòmasyon sou frè Suvorov.
18 out 2021

Yo fouye kay Danil. Yo arete l e yo mete l nan detansyon pwovizwa.
19 out 2021

Yo mete l nan prizon annatandan yo jije l.
29 avril 2022

Otorite yo akize l kòm moun k ap òganize, patisipe epi envite moun vin nan yon seri aktivite yon òganizasyon estremis.
10 jen 2022

Pwosè a te kòmanse.

a b Nan moman yo t ap prepare atik sa a, frè Suvorov te nan prizon kote li t ap tann pou yo jije l, e nou pa t ka jwenn kòmantè nan men l.

Lòt sijè ki enteresan

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL