20 AVRIL 2022
LARISI

MIZAJOU | Maksim Zavrazhnov kontinye gen yon atitid pozitif

FÈ L JWE

Nan dat 30 me 2022 a, tribinal vil Nijni Novgowòd nan distri Moskovski kondane frè Maksim Zavrazhnov e li ba l sizan prizon k ap aplikab si yo arete l pou menm bagay yo ankò. Li pa gen pou l al nan prizon pou kounye a.

Dat ak evènman ki te pase

4 jen 2019

Yo ouvri yon ankèt kriminèl.
17 jiyè 2019

Otorite yo akize l kòm moun k ap òganize aktivite ekstremis. Yo te arete l, poze l kesyon epi kenbe l nan prizon pandan nuit lan.
18 jiyè 2019

Otorite yo entèdi Maksim sèvi ak telefòn oswa Entènèt, e yo entèdi l kite kay li ant 9:00 p.m. a 9:00 a.m.
3 fevriye 2020

Yo te retire restriksyon yo.
26 fevriye 2020

Otorite yo entèdi Maksim kite zòn li t ap viv la.
6 desanm 2021

Pwosè a kòmanse.

Enfòmasyon pèsonèl

Maksim Zavrazhnov

Dat ak kote li fèt: 1981 (Nijni Novgowòd)

Byografi: Li te gradye nan yon lekòl mizik kote li te aprann pyano. Kounye a, l ap travay kòm teknisyen nan konstriksyon. Li te marye ak Nadezhda an 2008.

Manman l te aprann li konn Bib la lè l te piti. Li te batize kòm Temwen Jewova an 2000.

Kòmantè li fè

Ki sa k ede w rete pozitif pandan sitiyasyon konsa ki bay strès?

Chak fwa mwen nan sitiyasyon ki difisil, mwen rann mwen kont jis nan ki pwen Jewova pwòch avè m. Mwen santi gwo èd li ban mwen. Nan moman konsa, èd Papa m nan ban mwen fè m pa pè eprèv k ap vini yo, e li ede m kontinye gen yon atitid ki pozitif.

Ki sa w aprann sou Jewova pandan moman difisil sa yo?

Eksperyans sa a ban m plis konviksyon jis nan ki pwen Jewova se yon Papa ki sansib, ki gen mizèrikòd, ki donan, ki enterese avèk nou e k ap panse avèk nou. Lè n ap pase anba yon seri sitiyasyon ki difisil, mwen toujou ret bouch ouvè pou m wè jan Jewova pwofite ede nou aprann yon seri bagay, ede nou vin gen kèk kalite oswa ede nou analize tèt nou. Sa ede m vin gen yon relasyon ki pi sere avè l, e sa fè m santi m byen.

Tank y ap kontinye pèsekite frè ak sè nou yo nan peyi Larisi ak Krime, se tank n ap vin gen plis konfyans nan Jewova. Nou konnen li pap janm abandone moun ki fidèl avèk li yo. — Ebre 13:5.

Lòt sijè ki enteresan

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL