1^ye AVRIL 2024 | MIZAJOU: 30 JIYÈ 2024
LARISI

MIZAJOU — YO KONDANE TWA FRÈ AK SÈ | “M pa menm panse bay vag”

FÈ L JWE

Nan dat 30 jiyè 2024 la, tribinal vil Nikolaevsk-sou-Amou, nan tèritwa Kabawòsk kondane frè Igor Kletkin, frè Nikolay Kononenko ak sè Nadezhda Korobochko. Yo kondane frè Igor ak frè Nikolay pou yo pase sizan nan prizon si yo arete yo ankò pou menm bagay yo. Yo kondane sè Nadezhda pou l pase senkan nan prizon si yo arete l ankò pou menm bagay yo. Yo pa gen pou al nan prizon pou kounye a.

Enfòmasyon pèsonèl

Igor Kletkin

Dat ak kote l fèt: 1961 (Nikolaevsk-sou-Amou)

Byografi: Li travay kòm chofè prive

Apre manman Igor te fin fè yon aksidan ki te paralize l, Igor t ap mande tèt li poukisa mòd bagay sa yo rive. Li te kontan jwenn repons klè nan Bib la. Li te batize kòm Temwen Jewova an 1999

Kòmantè li fè

Ki sa k ede w kontinye wè bagay yo yon fason ki pozitif pandan moman difisil sa a?

Lè m ap panse ak pèsekisyon sa a, mwen pa konsidere mwen gen yon vi anvan pèsekisyon an ak yon vi apre pèsekisyon an. Mwen sèlman wè pèsekisyon an kòm yon pati nan sèvis m ap bay Jewova a. Mwen sonje pawòl Jezi nou jwenn nan Jan 15:20 yo: “Si yo pèsekite m, y ap pèsekite nou tou.” Mwen pa menm panse bay vag. Si m ta fè sa, mwen t ap trayi ni Jewova, ni Jezi, ni frè ak sè yo. Mwen detèmine pou m bay lòt moun yon bèl egzanp.

Nadezhda Korobochko

Dat ak kote l fèt: 1943 (Chakti, Rejyon Rostòv)

Byografi: Li te travay kòm kontab. Li leve kat pitit

Li te konn li Bib la, men l te twouve l difisil pou l konprann li. Apre l te kòmanse etidye Labib ak Temwen Jewova yo, li te kontan aprann konnen Bondye ak kalite l yo. Li batize an 1996

Kòmantè li fè

Ki sa eksperyans difisil sa a aprann ou sou Jewova?

Eksperyans sa a fè m konprann Jewova pa sèlman wè sa k ap pase men tou li konnen ki jan sa fè m santi m. Epi, li fè m jwenn egzakteman èd mwen bezwen an. Chak fwa m kòmanse santi m enkyè e l difisil pou m panse klè, Jewova fè m gen lapè. E li ede m sonje vèsè nan Bib la ki vrèman aplikab pou mwen nan moman an. Plis eprèv la difisil, se plis m santi lespri Jewova k ap ede m e m santi lafwa m vin pi djanm.

Nou di Jewova mèsi pou lanmou ak bonjan èd li bay tout moun ki gen konfyans nan li e ki di: “Se ou menm ki Bondye m.” — Sòm 31:14.

Dat ak evènman ki te pase

11 oktòb 2021

Yo fouye kay frè Igor ak sè Nadezhda. Yo mete Igor nan yon prizon ki la pou yo mete moun pou yon ti tan
12 oktòb 2021

Yo pase Nadezhda entèwogatwa
13 oktòb 2021

Yo lage Igor
14 oktòb 2021

Igor ak Nadezhda pa ka vwayaje al kote yo vle
27 septanm 2022

Nikolay pa ka vwayaje al kote l vle
16 janvye 2023

Pwosè a kòmanse

Gade tou

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL