Nan dat ki te 25 janvye 2022 a, tribinal rejyonal Astrakan nan distri Twousovski te kondane Anna ki gen 56 an pou l pase sizan nan prizon. Yo te mennen l nan prizon menm kote a.

1. 28 me 2021

   Yo ouvri yon ankèt kriminèl.

2. 2 jen 2021

   Otorite yo te fouye kay Anna, e se nan menm kay sa a manman l, ki gen 81 an, ap viv. Yo t ale ak Anna e yo te kenbe l nan prizon.

3. 3 jen 2021

   Yo te lage l e li te tounen lakay li. Men, otorite yo te entèdi l kite kay li pou l al kote l vle sof pou l al mache pandan inèdtan, soti 9:00 a.m. pou rive 10:00 a.m.

4. 10 jen 2021

   Yo te ajoute l sou lis ekstremis, e yo te bloke tout kont li gen labank.

5. 24 janvye 2022

   Men sa li te di nan dènye pawòl li te di devan tribinal la: “Nan Matye 5:44, Jezi te di disip Ii yo pou yo ‘renmen ènmi yo e pou yo priye pou moun k ap pèsekite yo’. Sa k fè sa? Se paske gen anpil egzanp ki montre gen moun ki te konn pèsekite nou ki vin adore Jewova.

   “Mwen vrèman swete pou omwen youn nan ajan FSB yo, oswa anketè yo, oswa gad yo, avoka yo oswa lòt moun ki tande m e ki wè konpòtman m chanje fason yo wè Temwen Jewova yo. […] Petèt omwen yon moun ap anvi li Bib la, jwenn repons Bib la bay pou yon seri kesyon, vin anvi aprann konnen Bondye oswa menm vin sèvi l.”

6. 25 janvye 2022

   Yo kondane l pou l pase sizan nan prizon.

Sa ankouraje nou lè nou wè egzanp fidelite frè ak sè nan peyi Larisi ak Krime yo bay toutpandan nou konte sou Papa nou ki nan syèl la pou ba yo fòs pou yo andire. — 2 Tesalonisyen 1:4.