20 ME 2022
LARISI
Plizyè fanmi ap andire anba pèsekisyon grasa èd Jewova
Tribinal distri Sovietski, nan vil Oryòl, gen pou fè konnen desizyon li pran nan ka ki konsène frè Vladimir Melnik, frè Vladimir Piskarev, ak frè Artur Putintsev. Komisè a poko fè konnen ki santans li ta renmen yo ba yo.
Dat ak evènman ki te pase
8 desanm 2020
Yo te ouvri yon ankèt kriminèl kont frè Melnik, frè Piskarev, ak frè Putintsev.
9 desanm 2020
Otorite yo te fouye kay 8 fanmi Temwen Jewova nan Oryòl, sa gen ladan l kay twa frè yo. Yo te voye yo nan detansyon pwovizwa.
11 desanm 2020
Yo te voye frè Melnik ak frè Piskarev nan yon prizon annatandan yo jije yo.
14 desanm 2020
Yo te voye frè Putintsev nan yon prizon annatandan yo jije l.
19 janvye 2021
Otorite yo te fè konnen frè Piskarev te gen plizyè ijans medikal, men yo te refize kite l jwenn swen ak medikaman.
21 janvye 2021
Yo te aksepte pou madanm frè Piskarev pote medikaman pou li, men yo te toujou refize pou l jwenn swen nan men doktè.
24 jen 2021
Yo te mennen frè Piskarev nan yon lopital, yo te fè egzamen pou li, e yo te wè li fè yon stwok. Yo te fè l retounen nan prizon an malgre eta sante l.
29 oktòb 2021
Otorite yo te akize frè yo kòm moun k ap òganize aktivite pou yon òganizasyon ki ekstremis.
31 janvye 2022
Pwosè a te kòmanse.
Enfòmasyon pèsonèl
Se vre fanmi sa yo separe pou yon ti tan, men sa rekonfòte nou lè n konnen pa gen anyen ki te separe yo ak lanmou Jewova, e yo te jwenn pwoteksyon nan men l. — Women 8:38, 39.
Lòt sijè ki enteresan
NOUVÈL
Yo nan prizon pou lafwa yo — Larisi
Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.