Anastasiya Guzeva

• Dat li fèt: 1979 (Biwobidjan).

• Byografi: Se manman l ki te leve li menm ak de frè l yo. Lè l te piti, li te renmen fè lekti, pratike espò e danse. Lè l te gen dizan, li te jwenn yon Bib lakay grann li. Sa te pouse l aprann plis bagay sou Bondye. Annapre, Temwen Jewova yo te etidye Labib avèk li menm ak manman l. Yo toule de te batize nan ane 1995. Li marye ak Konstantin nan ane 2001.

Nan mwa me 2018, otorite nan peyi Larisi yo te fouye kay Anastasiya ak Konstantin. Nan mwa jiyè 2019, yo te akize frè Konstantin kòmkwa li patisipe nan “aktivite ekstremis”. Nan mwa fevriye 2020, yo te lage menm akizasyon an sou do sè Anastasiya. Antou, gen 19 ankèt yo ouvri kont 23 Temwen nan Rejyon otonòm juif la.

Ankèt kriminèl y ap mennen sou sè Anastasiya ak frè Konstantin an fè bagay yo difisil anpil pou yo. Kòm yo akize yo kòmkwa yo se ekstremis, yo toude oblije kite lekòl mizik yo t ap travay la. Nan mwa fevriye 2021 an, yo te kondane frè Konstantin pou l pase dezan edmi nan prizon, yon santans k ap aplikab si yo arete l ankò pou menm bagay yo.

Men sa Anastasiya di ki ede l andire: “Li pi bon lè w atann w ap jwenn pèsekisyon e w reflechi sou fason w ap reyaji lè sitiyasyon yo difisil. Pa egzanp, lè w ap li evènman ki te pase nan dènye jou Jezi te pase sou tè a, li klè Jezi te reflechi sou sa li t ap fè lè yo arete l [...], lè l gen pou l pale, lè pou l pa pale ak sa l t ap di si l ta gen pou l pale.”

Anastasiya di kounye a li vin wè pawòl ki nan Women 8:38, 39 la yon fason ki espesyal. Li di: “Pawòl ki nan vèsè sa yo ban nou rezon pou nou kontan. De moun ki gen plis pouvwa ki gen nan linivè a renmen m, e pa gen moun ki ka fè yo sispann renmen m. Se yon bagay ki pouse m andire avèk kouraj.”