Nan dat ki te 20 janvye 2022 a, tribinal rejyonal Tchelyabinsk nan vil Snejinsk kondane sè Lyudmila Salikova pou l pase sizan nan prizon si yo arete l pou menm bagay yo ankò. Li pa gen pou l al nan prizon pou kounye a.

1. Novanm 2020

   Polisye ki nan Snejinsk te fouye kay kat fanmi Temwen Jewova, sa gen ladan l kay Lyudmila. Epitou, polisye yo te fouye kote li t ap travay la. Apre sa, yo te mande l kite travay li a.

2. 26 out 2021

   Yo te ouvri yon ankèt kriminèl kont Lyudmila paske l ap òganize reyinyon pou yon òganizasyon relijye yo entèdi e paske l ap fè piblikasyon rantre.

3. 8 desanm 2021

   Pwosè l la kòmanse.

Frè ak sè nou yo nan peyi Larisi kontinye jwenn fòs ak rekonfò nan men Jewova. Bondye nou an ki gen lanmou ban nou asirans l ap “fè moun ki pa gen papa yo ak moun yo kraze yo jwenn jistis, yon fason pou moun sou tè a sispann fè yo pè”. — Sòm 10:18.