Nan dat 14 jiyè 2020 an, tribinal vil Fimanovski a, nan rejyon Ivanovo, ka fè konnen desizyon l pran anrapò ak dosye frè Yevgeniy Spirin nan. Komisè gouvènman an mande pou yo kondane frè  Spirin pou l pase setan nan prizon.

Frè Spirin gen 34 an e yo akize l kòmkwa l ap òganize aktivite pou yon òganizasyon ki “ekstremis”. Ka sa a te derape 21 janvye 2019, e se yon anketè sèvis sekirite federal la (FSB) ki te pote akizasyon an. Sis jou apre sa, gen ajan sèvis sekirite federal la ki t al fouye kay frè  Spirin ak Natalya, madanm li. Tribinal distri Oktyabrski a, nan rejyon Ivanovo, te bay lòd pou yo mete frè Spirin nan detansyon prevantif pou omwen de mwa, senpleman paske l se Temwen Jewova. Annapre, yo te pwolonje kantite tan an.

Apre 160 jou nan prizon, yo te retire l nan detansyon prevantif jou ki te 5 jiyè 2019 la, e yo te kenbe l prizonye lakay li. Nan dat 18 desanm 2019 la, tribinal distri Oktyabrski a te bay lòd pou yo pa kenbe frè Spirin kòm prizonye lakay li ankò malgre anketè yo pa t dakò ak desizyon sa a. Yo pa t pran okenn lòt mezi pou limite aktivite frè Spirin ankò.

N ap kontinye priye pou frè n ak sè n yo y ap pèsekite nan peyi Larisi poutèt lafwa yo e nou gen konviksyon Jewova, Papa nou ki nan syèl la ki renmen nou, ap toujou avèk yo. — 1 Pyè 4:14.