24 OUT 2020
LARISI
Yo kapab kondane frè Khasan Kogut pou dezan prizon, kote l ap separe ak madanm li ak pitit gason l
Lè yo pwograme pou desizyon an
31 out 2020 *, e se tribinal vil Berezovsky nan rejyon Kemerovo k ap gen pou l bay desizyon an.
Santans yo vle ba li
Dezan prizon.
Enfòmasyon pèsonèl
Khasan Kogut
Dat li fèt: 1983 (Shahrisabz, Ouzbekistan).
Byografi: Li te kòmanse enterese nan Bib la nan mitan ane 1990 yo. Li te deplase al Larisi an 2004 e l te vin yon sitwayen ris. Li te marye ak Yekaterina an 2010. Timofey, pitit gason yo a, fèt an 2012.
Sa k te pase
An jiyè 2018, gen kèk ofisye ki te fouye kay uit Temwen e yo te pran aparèy elektwonik yo. Plizyè mwa annapre, lapolis te mande frè ak sè Kogut pou yo vin nan biwo polis la pou yo vin pran yon bagay pèsonèl yo yo te pran. Jou ki te 6 fevriye 2019 la, lè yo te rive nan biwo a, lapolis te tou kenbe frè Kogut. Yo te akize l kòmkwa l ap patisipe nan aktivite yon “òganizasyon ekstremis”, senpleman paske li te patisipe nan aktivite relijyon l.
Yo te lage frè Kogut apre de jou, men yo te fè l rete kòm prizonye anndan lakay li. Li te pase plis pase 200 jou anndan lakay li kòm prizonye. Yo te lage l nan mwa out 2019. E kèk semèn apre sa, yo te kòmanse jije l kòm kriminèl.
Pandan fanmi Kogut ap tann desizyon tribinal la, nou konnen y ap kontinye lage tout tètchaje yo sou Jewova, e y ap jwenn konsolasyon paske yo gen asirans li gen sousi pou yo. — 1 Pyè 5:7.
^ § 3 Dat la ka chanje.
Lòt sijè ki enteresan
NOUVÈL
Yo nan prizon pou lafwa yo — Larisi
Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.