Nan dat 22 out 2024 la, tribinal distri Òdjonikidzèvki, ki nan Magnitogòsk, nan rejyon Chelyabensk deklare frè Aleksandr Salnikov koupab e l kondane l pou sizan prizon si yo arete l ankò pou menm bagay la. Li pa gen pou al nan prizon pou kounye a.

Nou gen anpil rekonesans dèske nou konnen Bondye nou an ki donan ap toujou ede nou kontinye devlope kalite nou bezwen pou n andire kèlkeswa eprèv nou jwenn. — Galat 5:22, 23.

1. 18 avril 2023

   Yo ouvri yon dosye kriminèl kont li. Yo akize l paske l ap òganize reyinyon pa mwayen videyo konferans

2. 20 avril 2023

   Yo fouye plizyè kay nan Magnitogòsk, e kay frè Aleksandr te pami kay sa yo. Yo arete frè Aleksandr e yo mete l yon kote yo kenbe moun pou yon ti tan

3. 22 avril 2023

   Yo lage l, men yo entèdi l vwayaje al kote l vle

4. 14 me 2024

   Pwosè a kòmanse

5. 22 out 2024

   Yo deklare l koupab e yo kondane l pou sizan prizon si yo arete l ankò pou menm bagay la