22 MAS 2024
LARISI

Yo kondane frè Yuriy Yuskov ki gen katrevensenkan

FÈ L JWE

Nan dat ki te 15 mas 2024 la, tribinal ki nan vil Novocheboksarsk, nan repiblik Chuvash, te kondane frè Yuriy Yuskov. Yo te ba l senkan prizon k ap aplikab si yo arete l ankò pou menm bagay yo. Yo pa t mande l pou l al nan prizon nan moman an.

Enfòmasyon pèsonèl

Yuriy Yuskov

Dat ak kote li fèt: 1938 (Selivanovskaya, vil Rostov)

Byografi: Li te konn travay nan soudi

Lyudmila, madanm li, mouri an 2019

Se yon pitit gason Yuriy ki te vin Temwen Jewova anvan nan fanmi an. Yuriy te aksepte yon etid Labib. Se sitou esperans rezirèksyon an ki nan Bib la ki te atire l. Yuriy te batize an 2005

Kòmantè li fè a

Kòman w te santi Jewova ap soutni w anba pèsekisyon an?

Mwen konnen Jewova renmen sèvitè l yo e l soutni yo. M te viv sa yon fason estrawòdinè. Jewova te reponn priyè m te fè pou l fè lespri m anpè e pou m konprann poukisa yo te akize m ak tout sa k t ap fèt nan tribinal la nan moman pwosè a. Menm jij la te vrèman janti. Li te wè li te difisil pou m kanpe lè m ap reponn kesyon yo, se sa k fè li te pèmèt mwen ret chita. Gen anpil frè ak sè ki te soti nan lòt vil pou yo te vin ankouraje m lè m te nan tribinal la. Gen lòt ki rele m nan telefòn oswa ki ekri m pou yo di m: “Frè Yuriy, kenbe djanm! Jewova avè w. N ap kontinye priye pou ou.” Mwen santi m pi pwòch ak Jewova pase jan m te ye anvan sa, e m gen rekonesans pou mizèrikòd li.

Nou vrèman apresye bèl egzanp lafwa ak andirans frè ak sè nou yo ki granmoun bay, menm jan ak Yuriy. Nou konnen Jewova pap janm abandone yo, men l ap kontinye montre pisans li an favè yo. — Sòm 71:18, 19.

Dat ak evènman ki te pase

4 me 2023

Yo ouvri yon ankèt kriminèl
5 me 2023

Yo fouye kay li. Yo te mete restriksyon sou deplasman li ka fè
23 janvye 2024

Pwosè a te kòmanse
15 mas 2024

Yo kondane l pou senkan prizon si yo arete l pou menm bagay yo ankò

a Frè Yuskov te fè komantè sa a anvan yo te kondane l la.

Gade tou

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL