Tribinal Kazan nan distri Sovetski gen pou fè konnen desizyon li pran nan ka ki konsène frè Konstantin Sannikov. Komisè a poko fè konnen ki santans li ta renmen yo ba li.

1. 25 out 2020

   Yo ouvri ankèt kriminèl sou Konstantin apre anketè yo te fè mete aparèy ki ka koute sa moun ap di nan kay Konstantin. Yo te fè mete aparèy sa yo an kachèt. Otorite yo di Konstantin ap òganize aktivite ekstremis paske moun te vin lakay li pou yo pale sou Labib.

2. 27 out 2020

   Yo te arete l, e menm kote a yo te mete l nan prizon.

3. 26 me 2021

   Tribinal la entèdi madanm li vizite l, e yo kontinye ap rejte demann madanm nan ap fè pou vizite l.

4. 20 out 2021

   Pwosè a kòmanse.

Menm jan Konstantin kontinye ede fanmi l ret pwòch ak Jewova byenke li nan prizon, nou gen konfyans Jewova pap janm sispann pran swen moun ki sou kont li yo. — 1 Timote 5:8.