Nan dat ki te 19 janvye 2021 an, tribinal tèritwa Kamtchatka rejte apèl frè Sergey Ledenyov te fè a. Yo kenbe santans yo te ba li kote l t ap gen pou l pase dezan nan prizon si yo arete l ankò pou menm bagay la. Li pa bezwen al nan prizon pou kounye a.

Anvan tribinal la te rejte apèl frè Sergey te fè a, yo te ba l posiblite pou l pale devan tribinal la. Li te defann lafwa l avèk kouraj e li te di li detèmine pou l adore Jewova. Men sa l te di: “Lafwa m pa jis baze sou yon seri règ yon òganizasyon genyen, men sou Bib la. Pa egzanp, Bib la fè konnen ‘chak kay gen yon moun ki fè l, men, moun ki fè tout bagay se Bondye’, e ‘non li se Jewova’. (Ebre 3:4; Egzòd 15:3.) Pa gen okenn santans ki ka efase pawòl sa yo ki soti nan Bib la nan kè m.”