Sa pa gen lontan depi nou anrejistre yon nouvo non legal nan peyi Malt ki rele Temwen Jewova yo nan peyi Malt (JW-Malta). Se 28 desanm 2021 an JW-Malta te jwenn Sètifika antanke non ki anrejistre legalman a.

Temwen Jewova yo tabli nan peyi Malt depi ane 1970 yo. Men, pandan plizyè dizèn ane, kongregasyon yo te egziste, men Leta pa t vrèman rekonèt yo. Sa te fè li difisil anpil pou kongregasyon yo achte pwòp lokal yo oswa menm ouvri yon kont labank. An 1994, yo te vin rekonèt Asosyasyon entènasyonal etidyan Labib yo (IBSA) kòm yon asosyasyon ki pa anrejistre nan peyi Malt. Byenke sa te bay asosyasyon an kèk dwa, men dwa yo te genyen yo te gen bonjan limit. Kounye a, lefètke yo anrejistre JW-Malta nan peyi Malt, sa fè li pi fasil pou biwo peyi a ak kongregasyon yo fonksyone nòmalman.

Men sa frè Joe Magri, yon manm Komite peyi a, di lè l ap panse ak chanjman sa a: “Sa fòtifye lafwa nou pou nou wè jan Jewova ede nou pou nou rive jwenn otorizasyon legal sa a. Li te sèvi ak frè nan Depatman legal nan peyi Grann Bretay ak nan Syèj mondyal la pou fè sa rive posib. Nou tèlman kontan dèske nou ka travay pou Wayòm nan epi fè plis louwanj toujou pou Jewova, paske non l parèt sou nouvo non legal n ap itilize a.”

Pou kounye a, gen plis pase 800 Temwen nan peyi Malt, k ap sèvi nan 11 kongregasyon. Nou kontan paske travay “preche […] Wayòm Bondye a” apot Pòl te kòmanse nan peyi Malt sa gen prèske 2000 an an ap kontinye “san pwoblèm”. — Travay 28:1, 30, 31.