Kolèj santral la te apwouve plan pou yo deplase biwo filyal Amerik santral la ki toupre vil Meksiko, nan peyi Meksik. Yo te mete sou pye yon Komite pwojè konstriksyon (KPK) ki gen senk manm pou travay sou pwojè pou deplase biwo filyal la. Kounye a, KPK a ap chèche zòn ki pi apwopriye pou yo mete nouvo biwo filyal la.

Depi 1974, yo te repare oswa agrandi filyal la plizyè fwa. Depi 2011, se filyal Amerik santral la ki responsab travay predikasyon an nan peyi Beliz, Kosta Rika, Salvadò, Gwatemala, Ondiras, Nikaragwa ak Panama. a Pou yo rive jwenn tout espas yo bezwen, yo t ap oblije agrandi lokal filyal la epi fè anpil travay pou mete l nan yon bon nivo. Donk, yo te deside konstwi yon lòt lokal sou yon lòt teren k ap pi bon pou filyal Amerik santral la ki kontinye gen plis moun e pou pèmèt yo pi byen soutni travay predikasyon an.

Pwojè pou deplase biwo filyal la ap gen plizyè faz. Premye faz pwojè a ap gen ladan l achte yon teren epi konstwi kote pou 300 Betelit rete ak kote pou yo travay. Apre sa, yo pral pase nan konstriksyon plis kote pou Betelit rete ak kote pou yo travay.

Men sa frè Joseph Yi, yon manm KPK a, di: “Pou kounye a, n ap travay ak Komite filyal Amerik santral la pou n wè nan ki Eta nan peyi a l ap pi bon pou n mete nouvo filyal la. Youn nan bagay n ap gen pou n konsidere se nan ki zòn otorite yo ak moun yo ap pi fasil aksepte pwojè a. Nou pa ka tann pou n wè jan Jewova pral dirije bagay yo.”

Nou chofe pou n kòmanse nouvo pwojè konstriksyon sa a e n ap priye pou Jewova beni l. — Pwovèb 16:3.