Nan jou ki te 5 mas 2023, Tradiksyon monn nouvo a — Liv ki te ekri an grèk yo parèt nan lang wonnga nan yon reyinyon espesyal ki te fèt nan Stad nasyonal Zimpeto, ki nan Mapouto, nan peyi Mozanbik. Frè Castro Salvado, yon manm komite filyal peyi Mozanbik, te fè konnen tradiksyon an parèt. Te gen 3 150 moun ki te asiste pwogram nan. Depi pandemi COVID-19 la, se te premye fwa te gen yon evènman an pèsòn nan peyi Mozanbik kote yo te fè konnen yon tradiksyon Labib parèt. Moun ki te asiste evènman an an pèsòn te resevwa tradiksyon Labib lan sou fòma enprime.

Lang wonnga se lang manman omwen 618 000 moun e yo pale l nan tout zòn Mapouto nan peyi Mozanbik. Byenke te deja gen tradiksyon Labib nan lang wonnga, fason anpil ladan yo te ekri mo yo ak jan yo te itilize siy ponktiyasyon yo te fè l difisil pou pifò moun konprann.

Men sa yon tradiktè di konsènan tradiksyon Labib ki fèk parèt la: “Mwen gen anpil rekonesans pou kado sa a! Mwen konnen frè m ak sè m yo kontan anpil pou yo gen yon tradiksyon Labib ki senp e ki fasil pou moun konprann. Kounye a, grasa tradiksyon sa a, pawòl Jewova a rive touche kè nou dirèkteman.”

Nou rejwi ak frè ak sè nou yo ki kontan pou tradiksyon sa a ki parèt la, e n ap priye pou Jewova kontinye beni travay k ap fèt nan lang wonnga. — Women 12:15.