13 JANVYE 2021
MOZANBIK
Tanpèt twopikal Chalàn lakòz gwo dega nan peyi Mozanbik
Zòn li frape
Sofala ak Manika, de bouk nan sant peyi Mozanbik, ak plizyè zòn siklòn Idayi te frape nan mwa mas 2019.
Katastwòf
Nan dat ki te 30 desanm 2020 an, tanpèt twopikal Chalàn te frape kot Mozanbik. Tanpèt la te lakòz inondasyon ak glisman teren, e anpil bagay te kraze.
Sitiyasyon frè ak sè nou yo
Gen twa pwoklamatè ki te gen ti blese.
Dega
34 kay gen ti domaj.
12 kay gen gwo domaj.
16 kay kraze.
7 Sal Wayòm gen ti domaj.
4 Sal Wayòm gen gwo domaj.
1 Sal Wayòm kraze.
Dispozisyon pou pote èd
Yo te nome yon komite sekou pou kowòdone efò k ap fèt pou pote sekou. Komite a te ede pwoklamatè ki gen kay yo kraze yo jwenn yon kote pou yo rete. Pandan èd sa yo ap bay, tout moun respekte prekosyon yo dwe pran kont COVID-19 la.
N ap priye Jewova pou l kontinye ede frè ak sè nou yo ki viktim anba dènye tanpèt sa a. — Sòm 121:2.