Gwo gwo lapli ki tonbe nan peyi Nijerya lakòz gwo inondasyon nan peyi a. Sa gen plizyè ane depi pa t gen gwo inondasyon konsa. Zòn ki pi frape yo se kot sid Nijerya, ak zòn flèv Nijè ak rivyè Benwe. Inondasyon an lakoz domaj nan kay yo ak nan wout yo. Gen plis pase yon milyon moun ki oblije kite kay yo, e gen plis pase 600 moun ki pèdi lavi yo. Ajans nasyonal k ap jere ijans (NEMA) nan peyi Nijerya fè konnen inondasyon sa a se yon“gwo katastwòf”. Otorite yo kwè akoz tout dega sa yo, ap gen rate manje.

• Pa gen okenn frè ak sè nou ki mouri.

• 4 074 pwoklamatè oblije kite kay yo.

• 900 kay toujou inonde.

• 180 kay kraze.

• 70 Sal Wayòm ak 1 Sal asanble inonde.

• Yo nome 4 komite sekou.

• Pwoklamatè ki oblije kite kay yo jwenn manje, dlo, yon kote pou yo rete pandan yon ti tan, ak lòt bagay ankò ki nesesè.

• Ansyen yo ki nan zòn nan ak siveyan sikonskripsyon yo sèvi ak Bib la pou ankouraje frè ak sè ki viktim yo, e yo ba yo bonjan èd pratik.

• Tout moun k ap patisipe nan travay pote sekou a respekte prekosyon moun dwe pran kont COVID-19.

Nou gen anpil rekonesans dèske nou konnen malgre moman difisil n ap viv la, Jewova kontinye bay pèp li a yon “abri [...] nan jou malè a”, ni nan domèn fizik, ni nan domèn espirityèl. — Sòm 27:5.