13 NOVANM 2020
NIJERYA
Inondasyon lakòz moun mouri nan peyi Nijerya
Pandan mwa septanm ak mwa oktòb 2020 an, lapli te tonbe anpil nan peyi Nijerya, sa ki te lakòz gwo inondasyon plizyè kote. Gen anpil kay ki sibi gwo domaj, e gen gwo dega ki fèt nan tè moun konn fè jaden yo. Malerezman, gen youn nan frè nou yo ki mouri akoz katastwòf la. Mete sou sa, gen plis pase 1 828 pwoklamatè ki oblije kite kay yo, e gen omwen 62 kay frè ak sè nou yo ki sibi domaj.
Yon Sal Wayòm ki inonde nan Eta Delta, nan peyi Nijerya.
Filyal peyi Nijerya te nome sèt komite sekou pou òganize travay pote sekou a toutpandan y ap respekte prekosyon yo dwe pran kont COVID-19 la. Siveyan sikonskripsyon ak ansyen nan zòn yo travay ansanm pou yo ede frè ak sè nou yo jwenn sa yo bezwen, epi yo sèvi ak Bib la pou ankouraje yo.
Sa fè nou mal paske gen moun ki mouri nan katastwòf sa a. Nou konnen Jewova, Bondye nou an ki bay delivrans, ap kontinye konsole frè ak sè nou yo e l ap kontinye ede yo nan moman difisil sa a. — Sòm 68:19.
Lòt sijè ki enteresan
KESYON MOUN POZE SOUVAN
Èske Temwen Jewova yo ede moun lè gen katastwòf natirèl?
Li sijè sa a e w ap wè jan nou ede kretyen parèy nou ak lòt moun lè gen katastwòf natirèl.