Nan dat 19 mas 2021 an, Komite pou dwa moun nan Nasyonzini mande peyi Tajikistan pou l pran yon seri dispozisyon tousuit pou pwoteje sante frè Shamil Khakimov ki gen 70 an. Frè nou an, ki malad, nan prizon depi fevriye 2019 poutèt li t ap adore Bondye nan lapè. Komite a mande pou otorite peyi Tajikistan yo transfere frè Khakimov nan yon sant medikal ki espesyalize e pou yo ba l yon lòt santans olye yo mete l nan prizon pandan Komite a ap egzamine ka l la.