Nan dat 7 janvye 2021 an, yon tribinal militè nan Tajikistan kondane frè Rustamjon Norov pou twazan edmi prizon poutèt li pa dakò fè sèvis militè akoz konsyans li.

Anvan yo te bay desizyon an, yo te bay frè Rustamjon posiblite pou l pale devan tribinal la. Avèk kouraj, li te site plizyè vèsè nan Bib la ki esplike rezon ki fè l pa dakò fè sèvis militè. Li te esplike tou sa k ede l rete fidèl.

Li te site Filipyen 4:13, ki di: “Mwen gen fòs pou tout bagay grasa Sila a ki ban m pisans lan.” Men sa l te di ankò: “Pandan tout peryòd sa a, mwen te santi Jewova, Bondye m nan, te avèk mwen e l te ban m fòs pou m kontinye, pou m pa dekouraje, pou m gen kè kontan e pou m kontinye souri. Mwen gen anpil rekonesans pou li pou sa, e m vrèman fyè paske m ap sèvi l antanke youn nan Temwen l yo.”