Apati janvye 2013, Reveye n! ak Toudegad piblik la ap gen 16 paj olye yo gen 32 paj.

Kòm peryodik yo ap gen mwens enfòmasyon, ekip tradiksyon yo ap kapab fè yo disponib nan plis lang. Pa egzanp, yo te tradui edisyon desanm 2012 Reveye n! nan nan 84 lang, e edisyon desanm 2012 Toudegad la nan 195 lang. Men, apati janvye 2013, y ap tradui Reveye n! nan 98 lang e Toudegad nan 204 lang.

Toudegad etid la ap kontinye gen 32 paj.

Chanjman sa yo ki pral fèt nan piblikasyon nou enprime yo ap gen yon efè sou sit nou an, www.pr418.com, nan de sans.

1. Kèk nan enfòmasyon nou te konn mete nan peryodik yo pral parèt sou sit Entènèt sa a sèlman kounye a. Pa egzanp, ribrik “Pou jèn yo”, “M ap aprann nan Bib la” ak rapò gradyasyon Galaad ki te konn parèt nan Toudegad piblik la plis ribrik “Ann aprann an fanmi” ak “Kesyon jèn yo konn poze” ki te konn parèt nan Reveye n! pral parèt sou Entènèt sèlman kounye a.

2. Toudegad ak Reveye n! ap disponib sou yon lòt fòma elektwonik anplis. Pandan plizyè ane, yo te konn mete Toudegad ak Reveye n! nan fòma PDF sou www.pr418.com. Kounye a, peryodik sa yo pral disponib nan fòma HTML, sa k ap fè l pi fasil pou moun jwenn yo pou yo li sou òdinatè yo oswa sou aparèy mobil yo. L ap pi fasil pou ou tou pou w jwenn lòt piblikasyon nou yo ki disponib nan anviwon 400 lang.