Grann Bretay: 1ye albòm foto (soti janvye pou rive out 2015)
Temwen Jewova nan peyi Grann Bretay k ap demenaje biwo filyal yo a soti Mill Hill, nan Lonn, al nan yon zòn ki nan yon distans anviwon 70 kilomèt nan lès, toupre vil Chelmsford, Essex. Ant janvye ak out 2015, travayè yo te prepare espas yo t ap bezwen pou yo kòmanse konstriksyon an.
23 janvye 2015 — Teren filyal la
Ak pèmisyon otorite nan zòn nan, travayè yo te retire pyebwa yo te fin koupe yo pou yo ka fè espas pou konstriksyon ki pral fèt la. Yo te veye pou yo fini travay la anvan zwazo yo kòmanse fè nich. Yo te itilize kal bwa yo pou yo fè wout pou pyeton yo, e yo te konsève poto bwa yo pou yo itilize nan konstriksyon an.
30 janvye 2015 — Espas pou kuizin ak salamanje
Yon elektrisyen k ap enstale priz kouran pou ekran videyo yo nan yon ansyen ti otèl. Kounye a, yo fè l tounen yon kuizin ak yon salamanje. Ekran yo ap pèmèt travayè yo wè pwogram espirityèl yo tankou kilt matinal ak etid Toudegad fanmi Betèl la.
23 fevriye 2015 — Teren filyal la
Travayè yo te met yon kloti pou pwoteje yon bon pati nan chantye a. Piske zòn nan se prèske yon zòn andeyò, yo pran prekosyon pou yo redui dega konstriksyon an ka lakòz sou bèt bwa nan zòn nan. Pa egzanp, yo kite yon espas 20 santimèt (8 pous) anba kloti a pou yon bèt ki tankou yon ti lous (blaireau, an fransè) ka kontinye aktivite l lannuit san pwoblèm.
23 fevriye 2015 — Teren filyal la
Yo fè yon wout pwovizwa ki relye kote moun k ap fè konstriksyon yo dòmi an ak chantye a.
5 mas 2015 — Teren filyal la
Lè yon moun nan bò lès, l ap wè wout pwovizwa a nèt. Jan nou wè sa nan foto a, pa anlè sou bò dwat la, wout la mennen nan chantye a. Yo te fè bilding n ap gade pa anba sou bò goch yo tounen apatman pou moun k ap travay nan konstriksyon yo rete. Yo pral met kèk abri sou teren ki sou kote yo.
20 avril 2015 — Lojman travayè yo
Yon manm Kolèj santral Temwen Jewova yo ak yon lòt reprezantan syèj mondyal la te vizite ekip konstriksyon an. Pi ta nan menm semèn nan, yo te òganize yon reyinyon espesyal e tout Sal Wayòm nan Grann Bretay ak Ilann te konekte pa mwayen Entènèt pou yo suiv pwogram nan. Nan lavèy, yo te anonse meri vil Chelmsford la te bay yon premye otorizasyon pou yo kontinye ak pwojè a.
13 me 2015 — Prensipal kote yo enstale yo pou pwojè a
Travayè yo k ap enstale yon sistèm ant de gwo pye bwadchèn pou pwoteje rasin yo. Wout espesyal sa a relye chantye prensipal la ak prensipal kote yo enstale yo pou pwojè a, pou yo ka pase ak ekipman ki lou san yo pa kraze rasin pyebwa yo.
21 me 2015 — Lojman pou travayè yo
Kèk travayè k ap fouye kanal pou fè enstalasyon pou lojman pwovizwa yo. Pa dèyè nan foto a, n ap wè 50 premye kay kote travayè yo pral rete pandan pwojè a.
16 jen 2015 — Lojman pou travayè yo
Yon plonbye k ap enstale tiyo dlo pou youn nan lojman pwovizwa yo.
16 jen 2015 — Lojman pou travayè yo
Lè yon moun nan bò lès, l ap wè nouvo kay pwovizwa yo enstale yo. Pa devan, n ap wè yo deja prepare fondasyon pou lòt lojman pwovizwa toujou. Sou bò goch lojman travayè yo, gen yon seri kay ak yon salamanje pou travayè yo. Yo pral konstwi filyal la nan zòn ki pa dèyè a, nan mitan.
16 jen 2015 — Lojman travayè yo
Yon teknisyen k ap prepare fib optik yo nan sal telekominikasyon an. Yo te bezwen rezo enfòmatik ak koneksyon Entènèt byen bonè pandan pwojè a pou yo ka jere tout aktivite ki gen rapò ak konstriksyon an, pou yo kominike ak lòt biwo filyal yo, e pou yo kowòdone travay k ap fèt yo anba direksyon syèj mondyal la.
6 jiyè 2015 — Teren filyal la
Yon kontraktè k ap itilize yon aparèy GPS pou l pran mezi kote pou yo fouye yon seri kanal k ap pèmèt yo egzamine teren an. Kanal sa yo ap pèmèt akeyològ yo etidye teren an anvan konstriksyon an kòmanse. Byenke Women yo te abite toupre vil Chelmsford, 107 kanal yo te fouye pandan premye etap etid sa yo pa ede yo fè okenn gwo dekouvèt.
6 jiyè 2015 — Prensipal kote yo enstale yo pou pwojè a
Yo koupe ankadreman pòt yo gwosè y ap bezwen yo a. Yo fè kèk chanjman nan bilding ki nan espas kote travayè yo ye a pou yo fè yo tounen atelye. Y ap met biwo pwovizwa ak kèk sèvis ki nesesè nan zòn sa a.
6 jiyè 2015 — Prensipal kote yo enstale yo pou pwojè a
Y ap chaje yon kamyon baskil ak tè pou sèvi kòm ranblè.
7 jiyè 2015 — Teren filyal la
Lè yon moun kanpe nan direksyon sid 26 kawo tè kote konstriksyon an ap fèt la, l ap ka wè zòn andeyò Grann Bretay. Gen yon wout prensipal ki toupre a (ki pa parèt nan foto a) ki mennen sou waf yo, nan ayewopò yo ak nan vil Lonn.
23 jiyè 2015 — Teren filyal la
Kontraktè yo k ap retire ansyen konstriksyon ki te la yo pou yo netwaye teren an pou konstriksyon nouvo biwo filyal la.
20 out 2015 — Prensipal kote yo enstale yo pou pwojè a
Yon machin ki ka leve 60 tòn k ap desann yon pati nan yon kabin ki tou fèt pou yo vin mete l nan plas li. Nan pati devan an, yo deja fè baz pou lòt kabin yo. Yo pral itilize kabin sa yo kòm biwo pou moun k ap sipèvize pwojè a.
Lòt sijè ki enteresan
PWOJÈ KONSTRIKSYON
Grann Bretay: 2yèm albòm foto (soti septanm 2015 pou rive out 2016)
Volontè Temwen Jewova yo ak travayè yo peye pou fè kèk travay sou chantye a ap prepare teren yo pral konstwi filyal la ak kote prensipal yo enstale yo pou yo reyalize kokenn pwojè konstriksyon sa a.
TRAVAY EDISYON
Moun peyi Ilann ak moun Grann Bretay tande bon nouvèl la nan lang manman yo
Temwen Jewova yo fè gwo efò pou yo rankontre moun ki li oswa ki pale lang natif natal peyi Ilann ak Grann Bretay. Ki rezilta yo jwenn?
PWOJÈ KONSTRIKSYON
Temwen Jewova yo konstwi toupatou
Inite ki gen nan mitan pèp Jewova a pèmèt yo konstwi Sal Wayòm ak lòt kalite konstriksyon malgre yo gen peyi, kilti ak lang ki diferan. Tout sa bay Jewova louwanj.
PWOJÈ KONSTRIKSYON
Yo mande travay, men yo pa mande pou yo peye yo
Nan plis pase 28 ane ki sot pase yo, Temwen Jewova yo te fè travay konstriksyon nan 120 peyi, yo te bay konpetans yo ak tan yo san yo pa mande pou yo peye yo. Aprann plis bagay sou pwogram konstriksyon espesyal sa a.