Foto sa a se foto kwen sidwès chantye a lè yon moun ap gade nan direksyon nò, nan direksyon lak Sterling Forest (lak sa a rele Lak Ble tou). Sou devan, yo kòmanse travay sou sousòl rezidans D a. Pi pre lak la, y ap fè kofraj pou rezidans C a.

Kèk travayè k ap monte yon saldeben prefabrike. Saldeben sa a gen yon estrikti metalik, panno, amenajman pou plonbri, pou elektrisite ak vantilasyon e yon espas pou yon benwa. Yonfwa yo fin enstale saldeben an nan bilding nan, y ap fin fè rès travay ki gen pou fèt nan saldeben an.

Kèk plonbye k ap travay nan sousòl la. Pandan travay la ap dewoule, y ap sèvi ak espas sa a pou yo bay anviwon 500 travayè manje. Gen lòt espas ankò nan bilding nan kote 300 moun anplis ap kapab chita. Lè pwojè a prèske rive nan bout li, y ap deplase salamanje tanporè sa yo pou yo ka fini nèt ak bilding nan yo pral itilize pou fè antretyen machin yo.

Kèk travayè k ap gaye yon tè espesyal y ap mete sou twati a pou yo plante kèk bagay sou li. Modèl twati sa yo, ki gen plant sou yo, ede anviwònman an lefètke yo redui sou kantite enèji yon bilding bezwen, yo ralanti vitès dlo lapli yo koule e yo filtre dlo sa yo ki kapab gen polisyon ladan yo.

Espas sa yo ap gen twa bilding ki konekte youn ak lòt e k ap mezire antou 42 000 mèt kare. Kèk travayè ki sou kontra k ap mare fè pou poto.

Gen travayè k ap sèvi ak yon tòch pwopàn pou yo enstale yon kalite materyo ki fèt pou kouvri twati. Yo gen kòd ki kenbe yo pou yo pa tonbe.

Y ap enstale yon seri kondui pou chofaj, vantilasyon ak èkondisyone. Anviwon 35 pousan Temwen Jewova k ap travay nan pwojè Warwick la se fi yo ye.

Yo sèvi ak bilding sa a kòm yon depo e kòm yon atelye prefabrikasyon. Yo te achte bilding sa a an fevriye 2014 pou soutni pwojè a. Anndan bilding sa a mezire 20 000 mèt kare. Bagay blan ki anlè nan foto a, adwat, se yon seri saldeben ki pare pou yo ekspedye yo.

Foto sa a se foto kwen nòdès rezidans C a ki sou devan nan foto a. Bilding sa a pral loje anviwon 200 moun k ap travay nan syèj mondyal la. Pifò apatman yo ap mezire ant 30 a 55 mèt kare, e y ap gen yon ti kuizin, yon saldeben ak yon ti balkon.

Y ap prepare espas la pou konstriksyon. Anlè nèt nan foto a, agoch, machin pou kraze wòch la ap trete materyo pou yo kapab itilize annapre nan pwojè a. Lè pwojè a rive nan bout li, y ap gentan deplase anviwon 260 000 mèt kib tè sot sou sit Warwick la. An mwayèn, gen 23 kamyon baskil k ap travay sou sit la chak jou.

Y ap plante plant sou twati bilding nan.

Foto sa a pran nan direksyon sidwès nan yon gri (yon gwo aparèy byen wo ki fèt pou soulve bagay ki lou), pa anlè tèt bilding k ap gen biwo yo. Anba, agoch, nan foto a, se pakin pou vizitè yo ki deja fini. Chak jou, pakin sa a foul ak machin travayè yo. Gen Temwen ki kondui pandan 12 èdtan pou yo vin travay kòm volontè pandan twa oswa kat jou sèlman.

Travay k ap fèt pou yo fin prepare yon salamanje tanporè prèske fini. Ekran yo (ki poko enstale) ak opalè y ap mete nan plafon yo ap pèmèt travayè yo konekte ak filyal Etazini an pou adorasyon matinal ak lòt pwogram espirityèl.

Y ap koule yon dal atè. Sou bò dwat, gen yon travayè ki gen yon vibratè nan men l pou l asire l pa gen pòch lè ki rete anndan beton an e beton an byen chita nan plas li.

Rezo elektrik nan mitan bilding nan ki pare pou yo kouvri l ak beton yo gen pou yo koule nan sousòl la.

Yo prèske fin koule dal yo te kòmanse koule atè a. Depi chantye a kòmanse, se premye fwa yo te koule tout kantite beton sa a. Yo te koule anviwon 540 mèt kib. Yo te prepare beton an sou chantye a, yon kote ki rezève pou sa, e yo te pote l nan 8 kamyon beton. Yo te sèvi ak de ponp pou yo ponpe beton an. Beton an te pran anviwon 5 èdtan 1/2 pou yo koule l. Nan mitan foto a, ou kapab wè youn nan eskalye yo.

Y ap fè parapè k ap antoure twati bilding nan. Pa dèyè rezidans sa a, yo kòmanse travay sou sousòl rezidans A a.

Y ap monte yon saldeben prefabrike nan dezyèm etaj la ak yon gri (gwo aparèy byen wo ki fèt pou soulve bagay ki lou). Nan pwojè Warwick la, yo prefabrike anpil bagay. Sa pèmèt chantye a pa ankonbre e travay la ale pi vit.

Travayè sou kontra k ap enstale yon seri panno espesyal prefabrike k ap pèmèt bilding nan konsome mwens enèji. Beton yo fè panno sa yo deja gen koulè ladan l, se sa k fè panno sa yo pa bezwen pentire e yo pa bezwen anpil antretyen. Yo enstale yo rapid, e sa ap pèmèt pwojè a fini alè.

Foto sa a se foto kwen sidwès chantye a. Sou devan, y ap fè kofraj pou lòt etaj rezidans D a. Pa dèyè l, espas rezidans C a prèske fini.