Yo prepare antre nouvo bilding pou biwo yo pou yo ka asfalte l epi mete plant devan l. Yo mete chofaj pou twotwa ki yon ti jan pi ba sou bò goch la, sa k ap fè atè a pa glise lè peryòd fredi pou pwoteje pyeton yo. Nan bilding sa a gen biwo Betèl, biwo Komite filyal la ak Depatman sèvis.

Gen yon moun ki travay nan Depatman pou fè anndan biwo yo k ap sèvi ak yon aparèy anvan yo fini ak atè a. Aparèy la konekte nan yon aspiratè sa ki anpeche gen twòp pousyè nan lè a.

Moun ki vin vizite ak plis pase 200 Betelit k ap viv nan Rezidans E a byen kontan rete nan bilding sa a ki gen yon twati ki won yo fèk renove. Lè yo t ap refè bilding nan yo te enstale yon seri fenèt ki pèmèt yo fè ekonomi kouran ansanm ak yon nouvo sistèm pou avèti moun si gen dife.

Gen yon teknisyen k ap enstale kab pou ekipman telekominikasyon pou nouvo lokal fòmasyon teknik la. Yo fè lokal sa a pou yo ka bay moun fòmasyon nan domèn tankou plonbri, elektrisite ak sekirite.

Gen yon elektrisyen k ap enstale limyè LED nan nouvo lokal Depatman fòmasyon teknik la.

Yon moun k ap verifye espas ki genyen ant kondui elektrik yo. Yo te renove zòn sa a pou yo te ka jwenn biwo pou yo mete depatman ki te Bwouklin yo.

Yon plonbye ap fè yon seri tiyo ki pou voye dlo cho nan kay yo.

Depatman ki okipe pou l fè deyò batiman yo ap sele fenèt yo. Fenèt sa yo pèmèt yo fè ekonomi enèji ni lè chalè ni lè fredi e nan bilding sa a sèlman gen 298.

Mason yo sèvi ak wòch ki te nan yon mi ki te la depi ane 1970 yo pou yo rekonstwi yon mi nan pakin ki nan mitan an, li ant Bilding pou biwo 1 an ak Rezidans E a.

Yon moun k ap travay nan finisyon mi yo ap sable yon mi pou yo ka pentire l. Se depatman kontablite, enfòmatik ak acha ki pral nan bilding sa a yo renove a.

Yon elektrisyen ap rale yon kab sot anlè nan yon plafon pou l ka konekte l nan yon paratonè. Sa ka fè foud la tonbe atè san l pa andomaje batiman an.

Nan moman yo t ap agrandi Wòlkil, te gen gwo jefò ki fèt pou konsève peyizaj ak tout pyebwa yo te deja jwenn nan anviwònman an jan nou wè l nan foto sa. Chatodo ki sou bò goch la kenbe 40,000 galon. Chatodo sa enpòtan anpil pou distribye dlo, pou chase dife, epi l pwoteje sistèm ki la pou etenn dife nan batiman Wòlkil la.

Yon bòs chapant ap depoze anviwon 1,800 brik ki fèt ak bwa e ki sèvi kòm do mi oditoryòm nan. Brik sa yo ki gen plizyè kalite gwosè diminye efè son yo.

Frè Charles Reed ap travay nan Betèl depi ane 1958. Li te konn poze blòk nan enprimri a nan epòk Betèl Bwouklin nan te konn fè piblikasyon pou Etazini ak plizyè lòt peyi. Nan travay ki t ap fèt pou agrandi Wòlkil la, frè Reed t ap travay nan ekip kontremèt la.

Moun k ap travay yo ap transpòte chèz pou mete nan oditoryòm nan. Oditoryòm nan gen plas pou 812 moun.

Nan renovasyon oditoryòm nan yo enstale kèk ekran televizyon epi nan plafon an yo mete kèk pano akoustik.

Yo enstale yon enfimri. Pou bay moun ki malad yo yon pi bon sèvis, yo te fè koulwa a vin pi laj epi yo te fè douch yo gen plis espas.

Foto Wòlkil yo pran pa anlè. Espas la ka resevwa anviwon 2 000 Betelit. Konstriksyon oswa renovasyon sa fèt sou yon teren ki mezire plis pase 102 000 mèt kare epi l te fin fèt nan dat 30 novanm 2015.