Èske Temwen Jewova yo se kretyen yo ye?
Wi. Men kèk rezon ki fè se kretyen nou ye:
Nou fè tout sa n kapab pou nou suiv ansèyman Jezi yo ak konduit li pye pou pye. — 1 Pyè 2:21.
Nou kwè Jezi se moun Bondye itilize pou l ka sove nou e “Bondye pa t bay non okenn lòt moun anba syèl la pami lèzòm ki ka pèmèt nou sove.” — Travay 4:12.
Lè moun yo vin Temwen Jewova, yo batize nan non Jezi. — Matye 28:18, 19.
Nou priye nan non Jezi. — Jan 15:16.
Nou kwè Jezi se Chèf kongregasyon an, sa vle di moun Bondye bay otorite sou tout gason. — 1 Korentyen 11:3.
Sepandan, nou diferan nèt ak lòt relijyon ki di yo se kretyen yo nan plizyè domèn. Pa egzanp, nou kwè Labib anseye Jezi se Pitit Bondye, li pa fè pati yon trinite (Mak 12:29). Nou pa kwè moun gen yon nanm ki pa ka mouri e pa gen okenn vèsè nan Bib la ki montre Bondye ap krabinnen moun nan yon dife lanfè pou toutan oubyen yon vèsè ki montre moun ki pran latèt nan aktivite relijye yo dwe gen tit ki mete yo nan yon pozisyon ki pi wo pase lòt moun yo. — Eklezyas 9:5; Ezekyèl 18:4; Matye 23:8-10.
Lòt sijè ki enteresan
KESYON MOUN POZE SOUVAN
Èske Temwen Jewova yo kwè nan Jezi?
Gade pou ki rezon li enpòtan pou vrè kretyen yo gen lafwa nan Jezi.
KESYON MOUN POZE SOUVAN
Poukisa Temwen Jewova yo pa sèvi ak kwa nan adorasyon y ap bay Bondye a?
Byenke nou se kretyen, nou pa sèvi ak kwa nan adorasyon n ap bay Bondye. Poukisa?
REPONS BIB LA BAY
Èske Jezi se Bondye Toupisan an?
Ki sa Jezi te di sou pozisyon l parapò ak Bondye?
ENFÒMASYON SOU NOU
Poukisa nou dwe etidye Labib?
Labib ap ede plizyè milyon moun toupatou sou tè a jwenn repons gwo kesyon yo. Èske w ta renmen youn nan moun sa yo?
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.