Temwen Jewova yo ofri w yon fason pratik pou w aprann konnen sa Bib la anseye. Pwogram etid Labib nou an kapab ede w:

•   Jwenn kè kontan nan lavi a

•   Vin zanmi Bondye

•   Aprann pwomès Bib la fè pou lavni

Nan paj sa a

•  Ki jan yo fè yon etid Labib?

•  Èske m dwe peye pou etid la?

•  Konbyen tan pwogram etid la ap dire?

•  Ki sa m dwe fè pou m jwenn yon etid?

•  Èske m ka eseye fè yon leson anvan?

•  Si m aksepte fè yon etid Labib, èske y ap fè presyon sou mwen pou m vin yon Temwen Jewova?

•  Èske m ka sèvi ak Bib pa m?

•  Èske m ka envite lòt moun nan etid la?

•  Si m te konn etidye Labib ak Temwen Jewova yo anvan sa, èske m ka fè etid la ankò?

•  Èske nou genyen yon pwogram etid Labib san se pa avèk yon anseyan?

 Yon anseyan ap ede w aprann sa Bib la anseye sijè pa sijè. E lè w sèvi ak pwogram ki nan liv Ou kapab viv ak kè kontan pou toutan! an, yon liv k ap ede w konn Bib la, tikras pa tikras w ap aprann mesaj ki nan Bib la ak fason li kapab ede w. Pou w aprann plis, gade videyo sa a.

 Non. Nou suiv enstriksyon Jezi te bay disip li yo: “Se gratis nou te resevwa, se gratis pou nou bay.” ​(Matye 10:8). Anseyan nou yo pa resevwa lajan, e w pa bezwen peye pou w resevwa yon Bib ak liv Ou kapab viv ak kè kontan pou toutan! an.

 Antou, pwogram etid la gen 60 leson ladan l. Ou ka fè etid la nan vitès k ap bon pou ou. Anpil etidyan alèz pou yo fè yon leson oswa plis chak semèn.

1.  1. Ranpli fòmilè ki sou Entènèt la. N ap sèlman sèvi ak enfòmasyon pèsonèl ou yo pou nou kontakte w.

2.  2. Yon anseyan ap kontakte w. Anseyan w lan ap esplike w fason etid Labib la fèt, e l ap reponn nenpòt kesyon ou genyen.

3.  3. Ou menm ak anseyan w lan ap pran randevou. Ou kapab fè etid la fasafas, nan telefòn, pa mwayen apèl videyo oswa pa imel. An jeneral, chak etid dire anviwon inèdtan, men si w vle li kapab pi kout oswa pi long.

 Wi, ou kapab fè sa. Annik ranpli fòmilè ki sou Entènèt la. Lè yon anseyan kontakte w, fè l konnen ou vle eseye yon etid pou w wè si w renmen l. Anseyan an ap itilize bwochi Ou kapab viv ak kè kontan pou toutan! an, ki gen twa premye leson yo ladan l pou ede w wè si w renmen etid la.

 Non. Temwen Jewova yo renmen anseye sa Bib la di, men nou pa janm fè presyon sou moun pou yo vin fè pati relijyon nou an. Olye de sa, avèk respè nou montre moun yo sa Bib la di, toutpandan nou rekonèt chak moun kapab chwazi nan ki sa l vle kwè. — 1 Pyè 3:15.

 Wi, ou kapab sèvi ak nenpòt tradiksyon Labib ou vle. Menm lè nou renmen itilize Labib — Tradiksyon monn nouvo a paske li klè e li egzak, nou rekonèt anpil moun ka prefere itilize yon tradiksyon yo plis abitye avè l.

 Wi. Ou ka envite nenpòt fanmi oswa zanmi nan etid la.

 Wi. Anfèt ou ka renmen pwogram etid nou genyen kounye a plis toujou, paske nou fè kèk ajisteman ladan l pou l reponn ak bezwen moun yo. Gen plis foto ak videyo e gen plis posiblite pou w patisipe nan etid la pase anvan sa.

 Wi. An jeneral, pifò etidyan aprann pi byen avèk èd yon anseyan. Men gen lòt etidyan ki prefere kòmanse aprann poukont yo. Nan seksyon Zouti pou etidye Labib ki sou sit Entènèt nou an, w ap jwenn plizyè zouti ak referans pou ede w etidye Bib la. Men kèk zouti ki kapab ede w:

•   Videyo sou Bib la. Videyo sa yo ki tou kout esplike kèk ansèyman fondamantal ki nan Bib la.

•   Repons Bib la bay. Atik sa yo reponn yon seri kesyon moun poze sou Bib la.

•   Esplikasyon sou kèk vèsè. Aprann sa kèk vèsè ak kèk ekspresyon ki nan Bib la vle di.