Èske Temwen Jewova yo dakò ak doktrin kreyasyonis lan?
Non. Temwen Jewova yo kwè Bondye te kreye tout bagay. Men, nou pa dakò ak doktrin kreyasyonis lan. Poukisa? Se paske anpil ide nan kwayans sa a an kontradiksyon ak sa Labib di. Ann egzamine de egzanp ki montre sa.
Konbyen tan sis jou kreyasyon an te dire? Moun ki kwè nan doktrin sa a, panse chak jou sa yo te dire vennkatrèdtan. Men, nan Bib la, mo “jou” a ka gen rapò ak yon bon valè tan. — Jenèz 2:4; Sòm 90:4.
Konbyen tan tè a genyen depi l egziste? Moun ki kwè nan doktrin sa a, anseye tè a gen sèlman kèk milye ane depi l egziste. Sepandan, dapre sa Bib la fè konnen, tè a ak linivè a te egziste anvan sis jou kreyasyon yo (Jenèz 1:1). Se pou rezon sa a, Temwen Jewova yo pa gen okenn pwoblèm ak bonjan prèv syantifik yo bay ki montre tè a ka gen plizyè milya ane depi li egziste.
Piske Temwen Jewova yo kwè Bondye te kreye tout bagay, nou pa gen anyen kont lasyans. Nou kwè bonjan prèv lasyans bay mache men nan men ak sa nou jwenn nan Bib la.
Lòt sijè ki enteresan
REPONS BIB LA BAY
Ki lè Bondye te kòmanse kreye linivè a?
Nou kapab jwenn repons lan lè n egzamine fason yo sèvi ak mo “okòmansman” an ak mo “jou” a nan liv Jenèz la.
KÈK ANSÈYMAN BIBLIK KI ENPÒTAN ANPIL
Èske se kreye yo te kreye linivè?
Byen souvan, moun mal konprann sa Bib la di sou kreyasyon an oswa yo menm di se lejann yo ye. Èske sa Bib la di yo fè sans?
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.