Yan i atikláb walám in tsalpayámal kʼal axéʼ: «¿Jaleʼ tu kʼwajat ejat? ¿Jaleʼ tu jilnének tejéʼ?». An Biblia in ulal abal u tsʼejkáj abal ki bajuw ki tʼajaʼ ti jaʼúb a Dios. Abal ki exbay más kʼal axéʼ, ki tsuʼuw talchik i exobchixtaláb axi kʼwajat ti Biblia.

•   Pel a Dios axi tu tsʼejkámal. An Biblia in ulal: «Pel a [Dios] axi tu tsʼejkámal ani yab wawáʼ ti kwetémtal» (Salmo 100:3; Revelación [Apocalipsis] 4:11).

•   A Dios yab alkʼidh tin tsʼejkámal an Tsabál. Patal jawaʼ in tsʼejkámal, in tsʼejkámal kʼal jun i tsalap (Isaías 45:18).

•   Patal an atikláb i «yéjenchal a Dios», antsanáʼ tu tsʼejkaʼ Jajáʼ. Jaxtám i yéjenchal ki exlaʼ jaleʼ tu tsʼejkaʼ a Dios (Mateo 5:3). A Dios in léʼ abal ki exbay jaleʼ tu kʼwajat tejéʼ (Salmo 145:16).

•   U utel kʼal a Dios tam i tsápnanchal ki exlaʼ ani ki jaʼúbnaʼ. Nixéʼ pel jantʼoj axi patal i éjtowal ki tʼajaʼ. An Biblia tu ólchal axéʼ: «Kit uteychik kʼal a Dios ani Jajáʼ neʼets ka utey kʼal tatáʼchik» (Santiago 4:8; 2:23).

•   Abal ki bajuw ki tʼajaʼ ti jaʼúb a Dios, kwaʼal ki tsápnanchij ki tʼajaʼ jawaʼ Jajáʼ tu konchal. An Biblia tu ólchal jaleʼ tu tsʼejkaʼ a Dios ani jantʼoj tu konchal: «An atiklábchik tsʼejkáj abal kin tʼajchij in kulbétal a Dios, abal kin kʼanidhaʼ ani kin belkaʼ» (Eclesiastés 12:13, versión de Ángel Sánchez, nota; lenguaje actualizado).

•   Lej wéʼits, a Dios neʼets kin tixkʼaʼ an yajchiktaláb ani neʼets kin pidhaʼ i ejataláb abal etsʼey in jaʼúbchik. Antsanáʼ neʼets ka putun an tsalap axi in kwaʼal abal an atiklábchik (Salmo 37:10, 11).