¿Chubax in tejwamedhál an Biblia abal a Jesús pel an Mesías?
Jawaʼ in ulal an Biblia
Aníts. Tam ti a Jesús kʼwajiy tejéʼ Tsabál, in putuw yan i kʼej kaw axi in olnál tin kwéntaj an «Mesías», axi neʼetsak kin «kʼaniy patal an atikláb» (Daniel 9:25; 1 Juan 4:14). Ani tam ti tsémenekits, in áynanchij kin putuw i kʼej kaw tin kwéntaj jajáʼ (Salmo 110:1; Hechos 2:34-36).
¿Jantʼoj in léʼ kin uluw an kaw Mesías?
An kaw hebreo Maschíaj (Mesías) ani an kaw griego Kjristós (Cristo) in léʼ kin uluw «Takudh». Jaxtám, Jesucristo in léʼ kin uluw «A Jesús, an Takudh» o «Jesús, an Mesías».
Ti biyál, tam jun i atikláb u takuyábak abal kin tʼajaʼ jun i exbadh tʼojláb, u jólchinalak i aceite tin ókʼ (Levítico 8:12; 1 Samuel 16:13). A Dios in takuy a Jesús jantʼiniʼ i Mesías, abal kin tʼajaʼ jun i exbadh tʼojláb (Hechos 2:36). A Dios yab in eyendhaʼ i aceite abal kin takuy a Jesús, in eyendhaʼ an espíritu santo (Mateo 3:16).
¿In éjtowalak kʼeʼat i atikláb kin putuw axéʼ xi kʼej kaw tin kwéntaj an Mesias?
Imbáj. Antsanáʼ jantʼiniʼ an huella in kʼal i chʼuchub yab in éjtowal kin koʼoy kʼeʼat i atikláb, an kʼej kaw axi u olnáb tin kwéntaj an Mesías yab in éjtowalak kin putuw kʼeʼat i atikláb. An Biblia in ulal: «Neʼets ka chich i kʼambix ani talchik i inik axi neʼets kin tʼajaʼ ti kawlómej kʼal a Dios, ma neʼets kin tʼajaʼchik jayej i púlik labidh tʼajbiláb abal kin kʼambiy axi tákudhits tin kʼál a Dios» (Mateo 24:24).
¿Walám neʼetsej ka tejwaméj an Mesías, axi taʼtal a kʼicháj?
Imbáj. An Biblia in uluw abal an Mesías neʼetsak ka waʼtsin tin yanél a David, jun i tsʼalej axi kʼwajiy ti Israel (Salmo 89:3, 4). Patal jawaʼ u olnáb tin kwéntaj in yanél an tsʼalej David, kʼibej. U tsalpayáb abal kʼibej tam ti an romanos in otsaʼ a Jerusalén ban támub 70. a Ma ti tam, yab jitaʼ in ejtowámal kin tejwamédhaʼ abal chubax tal kʼal in yanél a David. Pero tin kʼichájil a Jesús, belej waʼatsak talchik i uw axi in tejwamedhálak abal jajáʼ talak kʼal in yanél a David, ma an atiklábchik kʼal axi tu kʼwiynalak in exlálakchik nixéʼ (Mateo 22:41-46).
¿Jay i kʼej kaw i elál ti Biblia tin kwéntaj an Mesías?
Yab i lej exlál jay i kʼej kaw in olnál an Biblia tin kwéntaj an Mesías. Yab i éjtowal ki uluw lej alwaʼ jay i kʼej kaw waʼats ti kwéntaj an Mesías, kom talchik yab in olnál lej tajax tin kwéntaj jajáʼ. Jun i tʼiplab, Isaías 53:2-7 in olnál yan jantʼoj tin kwéntaj an Mesías. Talchik i atikláb in ulal abal tejéʼ u kalel junkats i kʼej kaw, pero kʼeʼat in ulalchik abal u kalel yan i kʼej kaw.
Talchik i kʼej kaw tin kwéntaj an Mesías axi putun kʼal a Jesús
Jawaʼ exobnámej |
Kʼej kaw |
Jantʼiniʼ ti putun |
|---|---|---|
Tal kʼal in tsakámil a Abrahán |
||
Tal kʼal in yanél a Isaac, in tsakámil a Abrahán |
||
An tribu in kʼál a Judá |
||
Tal kʼal in yanél a David |
||
Neʼetsak ka waʼtsin kʼal jun i tsʼikʼách axi yabayej tómkidh |
||
Neʼetsak ka waʼtsin ti Belén |
||
Neʼetsak ka bíjiyat ti Emmanuel b |
||
Neʼetsak ka waʼtsin al jun i yanél axi tsʼejwantál |
||
Tsemdháj yan i tsakam talbél ti waʼtsin a Jesús |
||
Uluwat abal neʼets ka kaldháj ti Egipto |
||
A Jesús exláj abal pel ti Nazaret c |
||
Neʼetsak ka waʼtsin jitaʼ axi kin ólnaʼ tin kwéntaj a Jesús |
||
Tákuyat jantʼiniʼ i Mesías ban támub 29 d |
||
A Dios in bijiy jantʼiniʼ in tsakámil |
||
Neʼetsak kin lej pidhaʼ in exbádh in kʼimáʼ a Dios |
||
In ólnaʼ an alwaʼ kaw |
||
Kʼal jawaʼ in ólnaʼ a Jesús, lej tólmiyat an atiklábchik axi ti Galilea |
||
In tʼajaʼ i labidh tʼajbiláb antsanáʼ jantʼiniʼ a Moisés |
||
Antsanáʼ jantʼiniʼ tin tʼajaʼ a Moisés, in ólnaʼ jawaʼ uchan kʼal a Dios |
||
In jeldhaʼ yan i yaʼul |
||
Yab in léʼak abal expidh jajáʼ ka tʼajan ti kwéntaj |
||
In yájnanchij jitaʼchik in yajchiknálak |
||
In tejwamédhaʼ abal a Dios in kulbetnál kin tʼajaʼ jawaʼ bolidh |
||
Neʼetsak kin bínaʼ i alwaʼ exobchixtaláb |
||
In ólnaʼ in bij a Dios |
||
In eyendhaʼ i tʼiplab abal ti exóbchix |
||
Neʼetsak kin tʼajaʼ ti ókʼnom |
||
Yan i atikláb yab in belaʼ kʼal a Jesús |
||
Yan i atikláb yab neʼetsak kin exbay alwaʼ jawaʼ kin ólnaʼ |
||
Neʼetsak ka pojkáj |
||
Neʼetsak ka alkʼidh kʼwiyan |
||
Neʼetsak ka puwénchat tam ka otsits ti Jerusalén punat ba jun i burro |
||
Neʼetsak ka puwénchat kʼal an tsákamchik |
||
Aban kʼal a Jehová |
||
Neʼetsak ka kʼambiyat kʼal jun in jaʼúb |
||
Nújuwat kʼal 30 monedas i plata e |
||
Jílkakiyat kʼal in jaʼúbchik |
||
Jólbiyat kʼal jitaʼ tu kʼwiynalak |
||
Yab in uluw jantʼoj abal kin kʼaniy tin baʼ |
||
Túbkayat |
||
Kwajchin in ókʼ |
||
Kwadhan |
||
Yab in kʼaniy tin baʼ tam ti kwadhan |
||
I eyalchik in uluw i janamtaláb tin kwéntaj jajáʼ |
||
Tʼexkʼenchat in kʼubak ani in akan al jun i téʼ |
||
Bínanchat in toltomil |
||
U uxnalak abal pelak i waláblom |
||
Kʼwiyan ani pojkáj |
||
In batsʼuw kin yajchiknaʼ abal kin kʼaniy an atiklábchik |
||
Ejtíl max walbáj kʼal a Dios |
||
Pidhan kin utsʼaʼ i vinagre axi tsʼaʼik |
||
Okʼxidh ka tsemets, chikey |
||
In pidhaʼ a Dios in ejatal |
||
In bínaʼ in ejatal |
||
In bínaʼ in ejatal abal tu ku kʼaniy kʼal an walabtaláb |
||
Yab pejchin nibal jun in beklák |
||
Xekʼchin in tsoyíl |
||
Jóliyat juʼtáj tu joliyáb axi tumínladh |
||
Edháj |
||
Kʼeʼat in kalchij an inik, kʼal axi ti nújuwat |
||
Ketél tin wínab a Dios |
a An Cyclopedia de McClintock y Strong in ulal: «I tsálpayal abal an olchixtaláb axi waʼatsak tin kwéntaj an tribus ani an yaneláb judíos, kʼibej tam ti otsánchat a Jerusalén ani talabedháj».
b An bijláb Emmanuel, in léʼ kin uluw: «A Dios kʼwajat kʼal wawáʼ». Axéʼ xi kaw in tejwamedhál jantʼoj neʼetsak kin tʼajaʼ a Jesús tam kin bájuwak ti Mesías. Kʼal jawaʼ in tʼajaʼ tam ti kʼwajiy tejéʼ Tsabál, in tejwamedhál abal a Dios kʼwajat kʼal jitaʼ tu kʼakʼnáb (Lucas 2:27-32; 7:12-16).
c Walám an kaw Nazareno tal kʼal an kaw hebreo nétser, axi in léʼ kin uluw «púdhlab».
d Max a léʼ ka exlaʼ abal chubax an Mesías tákuyat ban támub 29, ka tsuʼuw an artículo axi in bij «El profeta Daniel predice la llegada del Mesías».
e Axéʼ xi kʼej kaw kʼwajat ban libro in kʼal a Zacarías, pero jitaʼ in dhuchaʼ an libro in kʼál a Mateo in ulal abal kʼwajat ti Jeremías (Mateo 27:9). Walám pel kom ti biyál, an libro in kʼál a Jeremías u kʼwajbábak okʼox ban pejach axi u exlábak jantʼiniʼ an dhuchláb in kʼal «an Profetas» (Lucas 24:44). Walám a Mateo in uluw antsanáʼ kom an libro in kʼál a «Jeremías» jats juʼtáj tu tujél an pejach in kʼal «an Profetas».
Puede que también le interese
¡DESPERTAD!
Jun i judía tu ólchal jaleʼ tin jalkʼuy jawaʼ in belálak
¿Jantʼiniʼ tin exbay a Racquel abal a Jesús pel an Mesías?
EXOBCHIXTALÁB AXI KALDHACH TI BIBLIA
Ka tsuʼuw wéʼ jawaʼ neʼets ka exóbnaʼ
Ka konoy kit exóbchin kʼal an Biblia.