An atiklábchik tin kwetémtal yab in éjtowal kin t’aja’ ka wa’tsin i koyataláb. ¿Jale’?:

•   «An inik yab uchbidh kin abatna’ tin kwetémtal.» (Jeremías 10:23.) A Dios yab in ts’ejka’ an atiklábchik abal kin abatna’ tin kwetémtal. Jaxtám ni jun i atikláb in éjtowal kin t’aja’ ka wa’tsin i koyataláb.

•   «Yab ka béla’ abal an inikchik in éjtowal ti k’aniy, kom u wenk’onal ti pojodh ani yabats u tsalpax» (Salmo 146:3, 4, Dios habla hoy, 1994.) Bélits abal an eyalchik in lé’ ti tólmix yab in éjtowal kin tixk’a’ an yajchiktaláb axi in jilál an pejextaláb.

•   «Kom i exlál, abal in taltal a k’icháj k’al axé’ xi k’wajiltaláb ne’ets ka k’wajiy an k’ij lej k’ibat, t’ojláb an k’wajiltaláb. Kom an inikchik ne’ets kin k’anidhá in kwetém ba’ [...] tsakulom, yab ne’ets kin k’anidha’ jawa’ alwa’, ne’ets ti k’ambix, ani ne’ets kin lej k’adhatnayej tin ba’» (2 Timoteo 3:1-4.) U k’wajíl al axé’ xi «kidháb xe’tsintaláb», ju’táj in kidháb t’ajbilábil an atiklábchik yab in jilál abal ka wa’tsin i koyataláb.

•   «Ne’ets kin yajchikna’ jita’ k’wajatchik ti tsabál ani axi k’wajat al an púlik lejem, kom tats ti jólowat ka xe’tsin an tenekláb. Ne’ets ka xe’tsin wat’adh tsakúl, kom in tso’obits abal yabáts ne’ets ka xe’tsin owat teje’ tsabál» (Revelación 12:12.) Kom an Diablo k’wajat ti tsabál, in t’ajál abal an atiklábchik jayej kin tomólna’ a Dios k’al in kidháb t’ajbilábchik. Biyat a satanás kin «abatna’ axé’ xi xe’tsintaláb» yab ne’ets ki éjtow ku k’wajiy koyat (Juan 12:31).

•   «[In Éyaltal a Dios] ne’ets kin talabedha’ patal an eyaltaláb axi ti tsabál [kom in tomolnál a Dios], jun i eyaltaláb axi yab jayk’ij ne’ets ka tixk’aj» (Daniel 2:44.) Expidh in Éyaltal a Dios ne’ets kin t’aja’ abal an atiklábchik ka k’wajiy k’al i koyataláb abal est’ey (Salmo 145:16).