Imbáj. An Biblia yab in ulal abal an tumín kidháb, ni abal pel in wálab kʼal patal jawaʼ kidháb kʼwajat ti watʼel. Jun i kaw in ulal: «an tumín pel in tujtal patal an yajchiktaláb» an atiklábchik in tsálpayal abal nixéʼ xi kaw kʼwajat ti Biblia ani ¿játs antsanáʼ? Imbáj. Kʼal an chubaxtaláb, an Biblia in ulal: «An kʼanidhomtaláb kʼal an tumín, pel in tujtal patal an yajchiktaláb» (1 Timoteo 6:10, Reina-Valera, 2009, negritas nuestras). a

•  ¿Jantʼoj in ulal an Biblia tin kwéntaj kʼal an tumín?

•  ¿Jaleʼ ti yab alwaʼ ki kʼadhpich kʼanidhaʼ an tumín?

•  An alwaʼtaláb axi i kanchal max ki tʼajaʼ jawaʼ in ulal an Biblia

•  Olchixtaláb axi in binál an Biblia kʼal tin kwéntaj an tumín

 An Biblia in ulal abal max ki éyendhaʼ alwaʼ, in éjtowal tu ku tólmiy ani ma «tu ku kʼániy» (Eclesiastés 7:12). Jayej u kaw alwaʼ kʼal an atiklábchik axi in binál jawaʼ in kwaʼal ani in tólmiyal axi kʼeʼat kʼal in tumínal (Proverbios 11:25).

 Ka tʼajaʼ ti kwéntaj, an Biblia in ulal abal yab ki punuw okʼox ti éjatal an tumín. Ti Hebreos 13:5, in ulal: «Yab ka kʼadhpich kʼanidhaʼ an tumín, ka neʼdhaʼ kulbél a ichích kʼal jawákits a kwaʼal». I exobnál abal an tumín u éynal abal yan jantʼoj, pero yab kwaʼal ki pidhaʼ lej in exbádh. Kwaʼal ku kʼwajiy kulbél kʼal jawaʼ i kwaʼal, ejtíl, an kʼapnél, i toltómil ani i kʼimaʼ (1 Timoteo 6:8).

 n atiklábchik axi in léʼ kin koʼoy yan jantʼoj, yab neʼets kin batsʼuw an ejataláb abal etsʼey (Efesios 5:5). Okʼox, kom yab u kulbél kʼal jawaʼ in kwaʼal, pel ejtíl max in kʼakʼnál kʼeʼat i dios (Colosenses 3:5). Tsabchíl, kom abal kin koʼoy jawaʼ in léʼchik, an atiklábchik yab in tʼajál jawaʼ tekedh. Ti Proverbios 28:20, in ulal: «Jitaʼ in léʼ kin tʼajaʼ ti tuminladh tin adhík yab neʼets kin éjtow kin tejwamédhaʼ abal bolidh». Kom walám kin léʼnaʼ kin kʼámbiy ani kin kweʼchij in tuminal an atiklábchik jayej neʼets kin léʼnaʼ kin tsemdhaʼ abal kin tixkʼanchij jawaʼ in kwaʼal.

 Bélits max yab kin tʼajaʼ jantʼoj kidháb, max ki jálpidh kʼaʼinchij an tumín, in ejtowal tu ódhnanchij i éjatal. An Biblia tu ólchal: «Axi in lej kʼaʼinchal an tumín, u lej nixokʼnáb abal ka wálbin. U wikʼat koʼoyab in ichích kʼal yan i leʼnomtaláb kʼal tu kweteʼ tontobel ani tu odhnáb» (1 Timoteo 6:9).

 Max etsʼey ki tʼajaʼ ti kwéntaj jawaʼ in tsálpayal a Dios ani ki tʼajaʼ jawaʼ alwaʼ ti éjatal, yab neʼets ki ukʼchiy jawaʼ i exobnámal. Neʼets ki kulbédhanchij in ichích. Ani max ki tsápnanchij ki tʼajaʼ jawaʼ Jajáʼ in kulbetnál a Dios tu ólchal: «Ni jaykʼiʼ yab neʼets tu ow tsuʼuw ani ni jaykʼiʼ yab neʼets tu jilkakay» (Hebreos 13:5, 6). Ani in ulal abal «an atikláb axi pútudh in bátsʼuwal yan i lablixtaláb» (Proverbios 28:20).