An ólchixchik kʼal a Jehová i lej tsápnanchal ki tʼajaʼ jawaʼ a Jesús tu exóbchij, jantʼiniʼ tin tʼajaʼ in aykólilchik. Al axéʼ xi exobintaláb neʼets ki wilkʼaʼ jantʼoj lej exbadh kʼal jawaʼ i belál.

1.   Dios. I kʼakʼnál a Jehová kom játs an Dios axi chubax, axi in tsʼejkaʼ patal jawaʼ waʼats ti éb ani ti tsabál, in lej bij pel a Jehová. Su nombre es Jehová (Salmo 83:18; Revelación [Apocalipsis] 4:11). An Dios in kʼál a Moisés, a Abrahán ani a Jesús (Éxodo 3:6; 32:11; Juan 20:17).

2.   La Biblia. I belál abal pel an olchixtaláb abal patal an atiklábchik (Juan 17:17; 2 Timoteo 3:16). I lej belál kʼal an 66 i libros kʼal an Biblia e, axi in chiʼdhál an «Dhuchlab Hebreas» ani «an It jilchith cau». A exóbchix Jason D. BeDuhn in uluw tin kwéntaj axéʼ abal an ólchixchik kʼal a Jehová in belál ani in tʼajál jawaʼ in ulal an Biblia, «yab in jálkʼuyal ni jantʼoj ani yab in ókʼxidh ulal jawaʼ yab kʼwajat Dhuchadh». a

    Bélits abal i belál patal jawaʼ in ulal an Biblia, yab i nixokʼnál ni jitaʼ abal kin jálkʼuy in bélomtal. Talchik i kaw axi kʼwajat ti Biblia pel i tʼiplab ani yab in tomnál ka tʼajan jantʼiniʼ tin ulal tanáʼ (Revelación 1:1).

3.   Jesús. I aynál in tʼiplábil ani jawaʼ tu exóbchal a Jesucristo i puwénchal kom jajáʼ tu jekʼondhaʼ ani pel in Tsakámil a Dios (Mateo 20:28; Hechos 5:31). Axéʼ in tejwamedhál abal pel u bélom (Hechos 11:26). Pero an Biblia yab tu ólchal abal a Jesús pel a Dios (Juan 14:28).

4.   In Eyaltal a Dios. Axéʼ xi Eyaltaláb kʼwajat bijidh ma ti éb, axéʼ yab in éjtowal ka kʼwajiy tin ichích an atiklábchik. Neʼets kin tixkʼaʼ patal an eyalchik ani neʼets kin tʼajaʼ jawaʼ a Dios in tsalpayámal kʼal an Tsabál (Daniel 2:44; Mateo 6:9, 10). Axéʼ lej wéʼits neʼets ka watʼey kom u kʼwajatits tin «taltal a kʼicháj» (2 Timoteo 3:1-5; Mateo 24:3-14).

    A Jesús bijidhits kʼal a Jehová abal ti éyal. A Jesús tújey ti éyal ti 1914 (Revelación 11:15).

5.   An kʼanixtaláb. Kom in bínaʼ in éjatal a Jesús, patal an atiklábchik in ejtowal kin koʼoy an pakwlanchixtaláb kʼal i wálab ani jun i ejataláb abal etsʼey (Mateo 20:28; Hechos 4:12). Abal ki kanchij in alwáʼ in tsʼakchixtal a Jesús, kwaʼal ki lej bélaʼ kʼal jajáʼ, kin jálkʼuy i éjatal ani ka pujan (Mateo 28:19, 20; Juan 3:16; Hechos 3:19, 20). An atikláb kwaʼal kin tejwamédhaʼ max tsapik in bélomtal, kʼal i tʼajbilábil (Santiago 2:24, 26). An kʼanixtaláb expidh a Jehová in ejtowal tu ku pidhaʼ axéʼ «i éjtowal ki koʼoy kom a Jehová tu lej kʼanidhál» (Gálatas 2:16, 21).

6.   An éb. A Jehová, a Jesucristo ani an ángeles axi pútudh u kʼwajílchik tiwaʼ ti éb. (Salmo 103:19-21; Hechos 7:55). b Jun i kwenél i mukeʼ, in yanél 144,000 neʼets ka tsab pidhan in éjatal, abal ka kʼalejchik ti éyal kʼal a Jesús (Daniel 7:27; 2 Timoteo 2:12; Revelación 5:9, 10; 14:1, 3).

7.   An Tsabál. A Dios in tsʼejkaʼ abal ka kʼwajiy an atiklábchik tanáʼ abal etsʼey (Salmo 104:5; 115:16; Eclesiastés 1:4). Jajáʼ neʼets kin lábliy an atiklábchik axi bélkax ani yabáts neʼets kin yajchiknaʼ ani neʼets ka kʼwajiy al jun i ít alabél Tsabál (Salmo 37:11, 34).

8.   An pojkaxtaláb ani an yajchiktaláb. An Biblia in olnál abal jun i ángel in tomólnaʼ a Dios. Ma ti tam waʼtsinének i pojkaxtaláb ani i yajchiktaláb (Juan 8:44). Axéʼ xi ángel talbél ti jekʼombéj exláj jantʼiniʼ ti «diablo» ani «Satanás» ani in kʼámbiy a Adan ani a Eva abal ka jekʼombéj, jaxtám in yanél kʼwajat in watʼál yan i kʼibataláb (Génesis 3:1-6; Romanos 5:12). Abal ki exlaʼ jantʼiniʼ ti tújey an janamtaláb axi in uluw a Satanás, a Dios in jilámal an yajchiktaláb ani an pojkaxtaláb jun i wéʼ.

9.   Tsemláj. Tam jun i atikláb ka tsemets yabáts in yajchiknál (Salmo 146:4; Eclesiastés 9:5, 10). An tsemélomchik yab kʼwajat in yajchiknál ban kʼamal.

    Yan i atiklábchik axi tsémenek a Dios neʼets kin wíchbanchij in éjatal (Hechos 24:15). Jitats ka wíchbanchat in éjatal junílekʼij ani yab ka kʼwajiy bélkax kʼal a Dios neʼets ka talabedhájchik abal etsʼey (Revelación 20:14, 15).

10.   Yaneláb. Abal wawaʼ an tomkinél pel jun i uxum kʼal jun i inik, antsanáʼ jantʼiniʼ tin bijiyámal a Dios ma tin tujtal. Expidh in ejtowal ka jiláxin max axi tomkidh ka kwatsíy kʼal jitaʼ axi yab pel in tomkíl (Mateo 19:4-9). I lej belál abal an tolmixtaláb axi kʼwajat ti Biblia, tu lej tólmiyal abal ku kʼwajiy kulbél kʼal i yanél (Efesios 5:22–6:1).

11.   An kʼakʼnaxtaláb axi i binál. Yab i kʼakʼnál an cruz nibal kʼeʼat i walekláb (Deuteronomio 4:15-19; 1 Juan 5:21). Jawaʼ i tʼajál ti kʼakʼnaxtaláb pel:

    •   I ólonchal a Dios (Filipenses 4:6).

    •   I ájiyal ani i exobnál an Biblia (Salmo 1:1-3).

    •   I lupudh tsálpayal kʼal jawaʼ i exobnál kʼal an Biblia (Salmo 77:12).

    •   U tamkunal abal tu ól ani abal ki exóbnaʼ an Biblia u ájat junax ani i tejwamedhál i bélomtal tam i kanatbedhál axi más (Colosenses 3:16; Hebreos 10:23-25).

    •   I ólchal an atiklábchik «an alwaʼ kaw tin kwéntaj in Eyaltal a Dios» (Mateo 24:14).

    •   I tólminchal axi más in yéjenchal (Santiago 2:14-17).

    •   U tólmix ki tsʼejkaʼ i Atáj Tamkuntaláb ani i beletnál, kom játs tanáʼ juʼtáj tu eynál abal ki ólnaʼ an alwaʼ kaw (Salmo 127:1).

    •   U tólmix juʼtáj ti waʼats más i yejenchixtaláb kʼal jitaʼ kʼwajat in yajchiknál kʼwajat in yajchiknál (Hechos 11:27-30).

12.   In bichówil a Dios. Waʼats i tamkuntalábchik juʼtáj u bijiyáb i ókʼnom abal kin béletnaʼ. Yab in tʼajál jantʼiniʼ kʼeʼat i ókʼnomchik ti Iglesias ani yab u jalbiyáb ni jantʼoj (Mateo 10:8; 23:8). Yab i binál an diezmo ani yab i konoyál i tumín (2 Corintios 9:7). Patal an tumín axi u eynál tin bichówil a Dios, an ólchixchik in binál kʼal in kulbétal.

     Jun i Kwenél i Ókʼnom axi u bijiyáb pútudh ani tsalpadh, in okʼnál an olnomtaláb axi u tʼajnál tin puwél an tsabál (Mateo 24:45).

13.   An junkudhtaláb. Bélits abal u kʼwajíl al pílchik i bichow. Patal i kwaʼal i bélomtal jayétsekʼij (1 Corintios 1:10). I tsápnanchal abal patal ku kʼwajiy junkudh ani ku kʼanidháxin kʼal axi píl in káwintal ani yab i kʼeʼatnál nibal jitaʼ (Hechos 10:34, 35; Santiago 2:4). Bélits abal i tsápnanchal ku kʼwajiy junkudh, yab i nixokʼnál nibal jitaʼ abal kin tʼajaʼ jantʼiniʼ wawaʼ i kulbetnál (Romanos 14:1-4; Hebreos 5:14).

14.   I tʼajbilábil. I tsápnanchal ki tejwamédhaʼ i chubax kʼanidhomtaláb (Juan 13:34, 35). I tsápnanchal ki tʼájchij in kulbétal a Dios. Jaxtám, i eyendhál an xitsʼ jantʼiniʼ tin tomnál. Jaxtám yab i jilál ku kʼwanchin an xits tin putat. I tsápnanchal ki tejwamédhaʼ i kʼanidhomtaláb (Hechos 15:28, 29; Gálatas 5:19-21). Jaxtám, yab u kʼalél tu pejéx (Mateo 5:9; Isaías 2:4). I belkál an eyalchik, max axéʼ yab i tomolnál in ábatnaxtal a Dios (Mateo 22:21; Hechos 5:29).

15.   An junkudhtaláb kʼal axi más. A Jesús in uluw: «Kwaʼal ka kʼanidhaʼ a at juntal». Jantʼiniʼ ta kʼanidhál ta kwetém báʼ. In uluw abal in aykólilchik yab in tʼajál jantʼiniʼ tin tʼajál axéʼ xi xeʼtsintaláb, jantʼiniʼ nanáʼ yab u tʼajál (Mateo 22:39; Juan 17:16). Jaxtám, «i tólmiyal patal jitaʼ ki éjtow » jayej yab u otskakal kʼal an política ani yab i junkuwal an belomtaláb axi yab chubax (Gálatas 6:10; 2 Corintios 6:14). Pero yab i nixokʼnál ni jitaʼ abal ka otsits ti política o al píl i belomtaláb (Romanos 14:12).

 Max a léʼ ka exlaʼ más tin kwéntaj kʼal an ólchixchik kʼal a Jehová, a ejtowal kit otsits ti sitio ti internet, jayej neʼets ka éjtow tu ku dhúchunchij. Kit kʼalej al jun i Atáj Tamkuntaláb utat juʼtáj tatáʼ it kʼwajíl. Jayej a éjtowal ka konoy jun i ólchix kʼal a Jehová, tanáʼ juʼtáj it kʼwajíl.