An ólchixchik kʼal a Jehová yab jaykʼiʼ in bátsʼumalak yan i olchixtaláb ti Internet, ejtíl xowéʼ. Pero, an epchalchik axi al yan i kwénchal, yab in éjtowal kin jálbiy an internet. Talchik in kwaʼal i Internet, pero yab lej alwaʼ ani kʼeʼatchik yab in kwaʼal.

 Pero xowéʼ an epchalchik in éjtowal kin paʼbaʼ i videos ani i publicaciones, bélits abal yab in kwaʼal i Internet. ¿Jantʼiniʼ tin tʼajál?

 JW Box pel jun i tsakam cajita axi in binál i internet ani an epchalchik axi ban Departamento de Computación ti Betel in kʼwanchal an publicaciones ani an videos abal ka paʼbáj. Ani patal jawaʼ waʼats ti jw.org.

 An epchalchik axi ti tamkuntaláb in yekʼwal an internet axi in binál an JW Box ani antsanáʼ in paʼbál an publicaciones ani an videos. Jayej in éjtowalchik kin éyendhaʼ jitaʼ in kwaʼal i celular axi yabáts lej ít. Pero, max yab waʼats i internet, ¿jantʼiniʼ neʼets kin paʼbaʼ i publicaciones axi más ít? An sucursal, in ábchal axéʼ xi tamkuntalábchik i memorias axi in kwaʼal i publicaciones, i videos ani patal jawaʼ waʼats ti jw.org. An memorias u kʼwanchab ban cajitas JW Box abal ka paʼbáj axi más itej.

 ¿Jantʼiniʼ tin tolmiyámal JW Box an epchal? A Nathan Adruandra, axi u kʼwajíl ti República Democrática del Congo, in ulal: «Ti biyál, yaníl u exaʼ ku ka paʼbaʼ an videos ‹Kʼal tatáʼ u kwaʼal u bélomtal Jehová› ani Ka tʼilaʼchik in kʼimádhil a Lot, u lej yajnaʼ, kom yab jaykʼiʼ tu éjtow ku paʼbaʼ. Pero xowéʼ i éjtowalits ani nixéʼ tu tólmiyal abal ki exóbchij i tsakámil».

 Jun i epchal axi u tólmix kin kʼwájbaʼ JW Box ti Nigeria, in ulal: «An epchalchik in tsuʼtal nixéʼ jantʼiniʼ jun i tsʼejwalixtaláb axi pidhnének kʼal a Jehová. Ani xowéʼ lej kulbélchik kom in éjtowal kin paʼbaʼ an publicaciones ani an videos axi kʼwajat ban kit de enseñanza».

 Abnénekits watʼadh 1.700 JW Box ti África, Oceanía ani Sudamérica, ani neʼets ka ábanej más i cajitas al más i tamkuntaláb. ¿Juʼtáj tu kalel an tumín abal ka tʼajan axéʼ? Kʼal an donaciones axi ban obra mundial. Kʼakʼnámal kʼal an donaciones axi tatáʼchik a binál ti donate.pr418.com.