¡KU KʼWAJIY TʼOJOJODH!
Ban tamub 2022 waʼtsin yan i yajchiktaláb - Jawaʼ in ulal an Biblia.
Ban támub 2022 i atsʼámal ban noticias abal waʼtsin i pextaláb lej jálbin patal ani lej kʼakʼey an tsabál. An Biblia in olnál jaleʼ ti kʼwajat ti watʼel axéʼ.
¿Jantʼoj in tejwamedhál jawaʼ watʼey ban támub 2022?
Patal axéʼ in tejwamedhál abal u kʼwajatits “in taltal an xeʼtsintaláb” jantʼiniʼ in ulal an Biblia (2 Timothy 3:1) Axéʼ tujey ti 1914. Ka lej tʼajaʼ ti kwéntaj abal patal jawaʼ kʼwajat ti watʼel játs jawaʼ an Biblia biyalits tin ulumal:
«An Pextaláb» (Mateo 24:6).
«Ti 2022 junílekʼij waʼtsin i pextaláb ti Europa». a
Ka tsuʼuw an artículo «Rusia invade Ucrania».
«An jáyil» (Mateo 24:7).
«Lej waʼtsin i jáyil ban 2022.» b
Ka tsuʼuw an artículo. «La guerra en Ucrania empeora la crisis alimentaria mundial».
«An yaw’láts» (Lucas 21:11).
«Yan i atiklábchik yawʼláts kʼal an polio, kʼal an viruela del mono ani an Covid-19 yabayej u talel. Patal axéʼchik xi yawʼláts lej kʼakʼadh kom u tsʼilkʼox ani wawáʼ yab u tsʼejkadh abal ki kuxuy.» c
Ka tsuʼuw an artículo «Yan i atikláb tsemenek tin ebal an COVID»
«An atiklábchik ne’ets ka jik’ey k’al jawa’ kin tsu’uw» (Lucas 21:11).
«An támub 2022 yab neʼets ki ukʼchiy kom lej kʼakʼey an tsabál, waʼtsin i wayenib, tʼaʼiy yan i alteʼ ani waʼtsin i ukʼénib. Axéʼ in tʼajámal abal yan i atikláb kin yajchiknaʼ, yanchik tsemets ani kʼeʼatchik kʼalej ti kʼwajíl al píl i bichow.» d
Ka tsuʼuw an artículo «Las altas temperaturas baten récords en todo el mundo».
«An atiklábchik in tomolnál an eyal» (Lucas 21:9).
«An atiklábchik u lej tsakúl kom yab u kidhel kʼal an tumín ani kom patal jalbinének. Patal axéʼ in tʼajámal abal an atiklábchik kin tomolnaʼ an eyal baʼ juʼtámkʼij.” e
Ka tsuʼuw an artículo. «Se dispara la inflación en el mundo»
Ban támub 2023, ¿jantʼoj neʼets ka watʼey?
Yab jitaʼ in exlál jawaʼ neʼets ka watʼey. Pero jawaʼ i exlál játs abal in Eyaltal a Dios neʼets kin chiʼdhaʼ yan i lablixtaláb. (Daniel 2:44) Axéʼ xi eyaltaláb neʼets kin talabedhaʼ patal jawaʼ in tʼajál ki yajchiknaʼ. Ani neʼets kin tʼajaʼ ka putun in kulbétal a Dios tejeʼ ban tsabál (Mateo 6:9,10).
Tu kaniyalchik abal kit kʼwajiy etsʼey tʼojojodh antsanáʼ jantʼiniʼ in uluw a Jesús, abal ka tsuʼuw jantʼiniʼ jawaʼ kʼwajat ti watʼel an Biblia in ulumal ma ti lej biyál (Marcos 13:37). Max a leʼ ka exlaʼ jantʼiniʼ in éjtowal ti tólmiy an Biblia tatáʼ ani a yanel ani jantʼoj tam lablixtaláb tu pidhál abal axi taʼtál a kʼicháj, a éjtowal ka konoy jun i exobintaláb kʼal an Biblia.
a AP News, «Ban támub 2022 waʼtsin junilekʼij i pextaláb ti Europa» por Jill Lawless, 8 a Diciembre ti 2022.
b Programa de alimentación, «Una crisis alimentaria mundial.»
c Foro de Salud JAMA «An támub tam ti waʼtsin i yawláts. An COVID-19 an viruela del mono, an Polio, ani kʼeʼat i yawláts» por Lawrence O. Gostin, JD, 22 a septiembre ti 2022.
d Earth.Org, «¿Jaleʼ ti lej kʼakʼenek an tsabál ban támub 2022?» por Martina Igini, 24 a Octubre ti 2022.
e Carnegie Endowment for International Peace, «Ti 2022 an atiklabchik in lej tomolnaʼ an eyalchik kom lej jalbin patal». por Thomas Carothers ani a Benjamin Feldman, 8 a Diciembre ti 2022.
Puede que también le interese
TIN KWÉNTAJ WAWÁ’
U léʼ abal an ólchixchik kʼal a Jehová ti kin tsaʼbiy
¿A léʼ ka exlaʼ más tin kwéntaj an Biblia ani tin kwéntaj an ólchixchik kʼal a Jehová?
