Yan i atikláb in tsalpayal abal yab jaykʼiʼ neʼets ku kʼwajiy junkudh.

•   A António Guterres, secretario general de las Naciones Unidas in uluw: «Ba jutamkʼej u kʼeʼatnab an atiklábchik, ejtíl ban escuela, ban tʼojláb ani jutaʼmakits ka kʼwajiy. Axé’ in tʼajál abal yab ka waʼtsin i junkudhtaláb».

 ¿Walám neʼets kin bajuw an kʼicháj tam yabáts ka kʼeʼatnáj nibal jun i atikláb? ¿Jantʼoj in ulal an Biblia?

 An Biblia in ólnal jantʼiniʼ tin tsuʼtal a Dios an atiklábchik axi pil in bichówil ani pil ti wálkidh.

•   «A Dios in tsʼejkaʼ júnkats i inik abal játs ka yáney ani kin tʼuchiy an tsabál» (Hechos 17:26).

•   «A Dios yab u pokʼodh tsuʼux kʼal an inikchik, a Dios patal in bátsʼuwal, jitákitskʼij tam inik axi kʼakʼnax kʼal Jajáʼ ani in tʼajál alwaʼ jantʼiniʼ in léʼ Jajáʼ» (Hechos 10:34, 35).

 An Biblia in ulal abal patal an atikláb pel ejtíl jun i yaneláb, jaxtám a Dios yab jitaʼ in pokʼodh tsuʼtal

 In Eyaltal a Dios, axéʼ pel jun i eyaltaláb axi kʼwajat ti eb, ani neʼets kin tʼajaʼ abal an atiklábchik ka kʼwajiy junkudh. Axé’ xi eyal neʼets kin exóbchij an atikláb abal ka neʼdhaxin alwaʼ kʼal patal. An atiklábchik kʼayum, kʼayum neʼets kin exóbnaʼ abal yabáts ka pokʼodh tsuʼuxin.

•   Ban Tsabál, «an atiklábchik neʼets kin exóbnaʼ kin tʼajaʼ jawaʼ tekedh» (Isaías 26:9).

•   «An bolidhtaláb in tʼajál ka waʼtsin i koyataláb ani an bolidhtaláb neʼets kin tʼajaʼ abal an atiklábchik ka kʼwajiy kotay ani alwaʼ abal etsʼey» (Isaías 32:17).

 Xowéʼ ta kʼicháj lej yan i atikláb in jilamal ka exóbchat kʼal an Biblia abal kin kʼanidhaʼ ani yab kin pokʼodh tsuʼuw axi kʼeʼat.

•   Max a léʼ ka exóbnaʼ más ka ajiy an revista ¡Despertad! axi in bij «¿Tiene cura el prejuicio?».

•   Max pel it tataláb ani a léʼ ka exlaʼ jantʼiniʼ ka tʼilmay a tsakámil tin kwéntaj axéʼ, ka ajiy an artículo «¿Cómo hablar con sus hijos sobre el racismo?».