An Organización mundial de la salud (OMS), in uluw abal ti 23 a mayo ti 2022, tsemenekakits 6.27 millones i atikláb tin ebal an COVID-19. Pero al jun i informe de prensa axi olnaj ti 5 a mayo ti 2022, an OMS in uluw abal tsemets más i atikláb. Jayej in uluw abal ti tamub 2020 ani 2021 an atiklábchik axi tsemets kʼal in walab an COVID -19 ani kʼeʼat i yawláts «in yánel... pel utat 14.9 millones i atikláb». ¿Jantʼoj in ulal an Biblia kʼal axeʼ xi yajchiktaláb?

•     AJesús in okʼxidh uluw abal «tin taltal a kʼicháj» neʼetsak ka waʼtsin «yan i yawláts» (2 Timoteo 3:1; Lucas 21:11).

 Jawaʼ a Jesús in uluw kʼwajat ti putnal xowéʼ ta kʼicháj. Abal ka exlaʼ más ka ajiy an artículo: «¿Cuál es la señal de ‘los últimos díasʼ o ‘los tiempos finalesʼ?»

•    «A Dios axi tu dhakatbedhál [...] Tu dhakatbedhál kʼal patal i yajchiktalábil» (2 Corintios 1:3, 4).

 Yan i atikláb axi tsemenek jun in yanél, lej kanatbedhámej kʼal jawaʼ in ulal an Biblia. Ka ajiy an artículos: «Tolmixtaláb abal jitaʼ in kʼibamal jun in yanél ban tsemláj». Ani «an Biblia tu pidhál an más alwaʼ tolmixtaláb tam i kʼibámal jun i yanél»

•    «Ka tʼokedhaʼ a bij. Ka chích a Éyaltal, ka tʼajan a kulbetal jantʼiniʼ ti éb ani ti tsabál» (Mateo 6:10).

 Lej weʼits in kʼibal abal «in Éyaltal a Dios» kin putuw axeʼchik xi kaw: «Nibal jun i kʼwajíl neʼets kin uluw: ‹In kʼwajat yaʼul›» (Marcos 1:14, 15; Isaías 33:24). Max a leʼ ka exlaʼ más tin kwéntaj axi xi eyaltaláb ani jantʼoj neʼets kin tʼajaʼ ka tsuʼuw an video: ¿Jantʼoj játs in Éyaltal a Dios?.

 U léʼ abal an ólchixchik kʼal a Jehová ti kin tsaʼbiy. Max tatáʼ ani a yanél ka exóbnaʼ an Biblia neʼets ka koʼoy i aychixtaláb axi in éjtowal ti tólmiy.