Ti viernes 24 a febrero ti 2023, in putuw jun i támub ti tujey an pextaláb ti Ucrania. Talchik in olnámal abal tsémenek o abal tsʼojbedhámej utat 300.000 i soldados axi ti Ucrania ani axi ti Rusia ani jayej u uluwáb abal tsémenek utat 30.000 i atikláb. Pero walám tsémenek más i atikláb.

 Pero axéʼ xi pextaláb, ejtíl max yab jaykʼiʼ neʼets ka taley.

•   «Watʼeyits jun i támub tam ti an soldados axi ti Rusia, in otsánchij an bichow axi ti Ucrania ani ejtíl max yab neʼets ka waʼtsin i koyataláb. Axéʼchik xi éyal yab in léʼ kin wálbaʼ tin baʼ, kom in léʼchik kin áynanchij ti pejéx» (NPR [radio pública nacional axi ti Estados Unidos], 19 a febrero ti 2023).

 Yan i atikláb kʼwajat lej tʼeʼpidh, kom in tsuʼúmal patal an yajchiktaláb axi in chiʼdhámal axéʼ xi pextaláb ani yan jantʼoj axi kʼwajat ti watʼel tin puwél an tsabál. ¿Jantʼoj tam aychixtaláb tu pidhál an Biblia? ¿Walám neʼets ka taley an pextaláb?

 An Biblia in ulal abal axéʼ xi pextaláb neʼets kin kʼániy patal an atikláb. Axéʼ xi pextaláb u bijiyáb ti Armagedón ani an libro axi in bij Apocalipsis u kaw tin kwéntaj an «púlik pextaláb in kʼál an Dios, axi in kwaʼal más i Tsapláb» (Apocalipsis 16:14, 16). A Dios neʼets kin talabédhaʼ patal an eyalchik axi tejéʼ ti tsabál, kom jajáʼchik in tʼajámal abal ka waʼtsin i pextaláb ani abal an atiklábchik kin yajchiknaʼ. Abal kin tʼajaʼ axéʼ, neʼets kin éyendhaʼ an pextaláb axi in bij Armagedón. Abal ka exlaʼ jantʼiniʼ an Armagedón neʼets kin tʼajaʼ abal ka waʼtsin i koyataláb, ka ajiy axéʼchik xi artículos:

•   «¿Jantʼoj játs an Armagedón?»

•   «Tam ka ulits an Armagedón pél jún i alwaʼ olchixtaláb»